ପୁରୀ, ପୁରୀ – ହାତିଆ ତପସ୍ୱିନୀ ଏକ୍ସପ୍ରେସରୁ ବ୍ୟାଗ, ଟଙ୍କା ଓ ସୁନାମୁଦି ଚୋରି ଘଟଣାରେ ପୁରୀ ଆରପିଏଫ ପୋଲିସ ଜଣେ ଯୁବକକୁ ଗିରଫ କରିଛି । ଫେବୃଆରୀ ୯ ତାରିଖରେ ଜଣେ ଯାତ୍ରୀ ଏକ ବ୍ୟାଗ ଭୁବନେଶ୍ୱର ଠାରେ ଛାଡିଯାଇଥିଲେ ।ସେହି ବ୍ୟାଗକୁ ସମ୍ବଲପୁର ସଦରଥାନା ଅନ୍ତର୍ଗତ ଗମ୍ଭାରି କଣ୍ଟା ଗ୍ରାମର ଜଣେ ଯୁବକ ପାଇଥିଲେ । ସେ ବ୍ୟାଗ ଖୋଲି ସେଥିରେ ଥିବା ପଚାଶ ହଜାର ଟଙ୍କା ଓ ଗୋଟିଏ ହାତମୁଦି ନେଇ ପୁରୀ ଆସି ଲଜିଙ୍ଗରେ ରହିଥିଲା । ଖାଲି ବ୍ୟାଗ ସମ୍ପର୍କରେ ତଦନ୍ତ ଚାଲିଥିଲା । ସି ସି ଟିଭି ଓ ଅନ୍ୟାନ୍ୟ ସୂତ୍ରରୁ ଅଭିଯୁକ୍ତ ପୁରୀରେ ଥିବା ଜଣାପଡିଥିଲା । ପୁରୀ ଆରପିଏଫ ଆଇଆଇସି ସନ୍ତୋଷ ବାହିନୀପତିଙ୍କ ନେତୃତ୍ୱ ରେ ପୋଲିସ ଟିମ୍ ଆଜି ସକାଳୁ ମକରଧ୍ଵଜ ବଢ଼େଇ (୪୫) କୁ ଗିରଫ କରି କୋର୍ଟଚାଲାଣ କରିଛି । ତା ନିକଟରୁ ଟଙ୍କା ଓ ସୁନାମୁଦି ଜବତ ହୋଇଛି । ଜିଆରପି ଥାନାରେ ଏ ସଂକ୍ରାନ୍ତରେ ୧୨/୨୨ରେ ଏକ ମାମଲା ରୁଜୁ ହୋଇଛି । ଏ ସମ୍ପର୍କରେ ଜିଆରପି ପକ୍ଷରୁ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
