କନ୍ଧମାଳ, କନ୍ଧମାଳ ଜିଲ୍ଲା ବେଲଘର ଥାନା ଅନ୍ତର୍ଗତ ଭଣ୍ଡରଙ୍ଗି ଗ୍ରାମରେ ଜଣେ ବ୍ୟକ୍ତିଙ୍କୁ ମାଓବାଦୀ ମାନେ ଘରୁ ଡାକି ନେଇ ବେକରେ ରଶି ଲଗାଇ ହତ୍ୟା କରିଛନ୍ତି । ଗତକାଲି ବିଳମ୍ବିତ ରାତିରେ ଏହି ହିଂସାକାଣ୍ଡ ଘଟାଇଛନ୍ତି ମାଓବାଦୀ । ଖବର ପାଇ ବେଲଘର ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି । ମୃତ ବ୍ୟକ୍ତି ଜଣକ କପିଳ ମାଝି (୩୨) ବୋଲି ଜଣାପଡିଛି । ଅନ୍ୟପକ୍ଷରେ ମାଓବାଦୀ ମାନେ ଭୋଟ ବର୍ଜନ କରିବା ପାଇଁ ଅଂଚଳର ଜନସାଧାରଣଙ୍କୁ ଚେତାବନୀ ଦେଇଛନ୍ତି ।
