ଘସିପୁରା, ପୁଲୱାମା ଆକ୍ରମଣରେ ସହିଦ୍ ହୋଇଥିବା ଯବାନଙ୍କୁ ଶ୍ରଦ୍ଧାଞ୍ଜଳି ଉଦ୍ଦେଶ୍ୟରେ ଆନନ୍ଦପୁରରେ ମାଗଣା ଅଟୋ ସେବାର ଶୁଭାରମ୍ଭ କରାଯାଇଛି ।ଆଜି ସକାଳ ୮ଟା ସମୟରେ ଝାଡ଼େଶ୍ଵର ମନ୍ଦିର ପ୍ରାଙ୍ଗଣରୁ ଏହି ମାଗଣା ଅଟୋ ସେବାର ଶୁଭାରମ୍ଭ ହୋଇଛି । ଏହି ମାଗଣା ଅଟୋ ସେବା ପେଂବୃଆରୀ ୧୪ ତାରିଖଠାରୁ ଆରମ୍ଭ ହୋଇ ୧୬ ତାରିଖ ଯାଏ ଚାଲିବ । ଏହି ଅବସରରେ ମାଗଣା ଅଟୋ ସେବାକୁ ଝାଡ଼େଶ୍ଵର ମନ୍ଦିରର ପୂଜକ କୃଷ୍ଣଚନ୍ଦ୍ର ଶତପଥୀ ପୂଜାକରିବା ପରେ ବୁଲୁ ପଟ୍ଟନାୟକ, ମୁନା ସେଠୀ, କୃପସିନ୍ଧୁ ଶଙ୍ଖୁଆଳ, ରବିନରାୟଣ ହୋତା, ନିରଞ୍ଜନ ସାହୁ ପ୍ରମୁଖ ଜନସାଧାରଣ ଗାଡ଼ିରେ ବସିଥିଲେ । ଘସିପୁରା ଡାକ୍ତରଖାନା, ଘସିପୁରା ବସଷ୍ଟାଣ୍ଡ, ଶାଳପଡ଼ା ଛକ, କଚେରୀ ଛକ, ସଇଲଙ୍ଗ ଛକ, ପ୍ରଭୃତି ସ୍ଥାନକୁ ମାଗଣାରେ ଯାତ୍ରୀ ମାନଙ୍କୁ ଏହି ସେବା ଯୋଗାଇ ଦିଅ।ଯିବ ବୋଲି ଆନନ୍ଦପୁର ପୌର ପରିଷଦର ନରେନ୍ଦ୍ର କୁମାର ଜେନା ପ୍ରକାଶ କରିଛନ୍ତି । ଏଥିପାଇଁ କୌଣସି ଦେୟ ଦେବାକୁ ପଡିବ ନାହିଁ । ନରେନ୍ଦ୍ର କୁମାରଙ୍କ ଏପରି ସେବା କାର୍ଯ୍ୟକୁ ବିଭିନ୍ନ ମହଲରେ ସ୍ଵାଗତ କରାଯାଇଛି ।
