ସାକ୍ଷିଗୋପାଳ,ଆଜି ପବିତ୍ର ମାଘ ମାସ ଶୁକ୍ଳପକ୍ଷ ଏକାଦଶୀ ତିଥିରେ ଶ୍ରୀ ସାକ୍ଷିଗୋପାଳ ମନ୍ଦିରରେ ଭୈମୀ ଏକାଦଶୀ ପାଳିତ ହେବା ସହ ମହାପ୍ରଭୁଙ୍କ ଗଜଉଦ୍ଧାରଣ ବେଶ ନୀତି ଅନୁଷ୍ଠିତ ହେଉଛି । ସାକ୍ଷିଗୋପାଳଙ୍କ ଏହି ଦୁର୍ଲ୍ଲଭ ମନୋରମ ବେଶ ସଂନ୍ଧ୍ୟାଧୂପରେ ଅନୁଷ୍ଠିତ ହେବ । ଏନେଇ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହେଉଅଛି । ସେବାୟତମାନେ କୋଭିଡ଼୍ କଟକଣାକୁ ଅନୁପାଳନ କରି ସମସ୍ତ ନୀତିକାନ୍ତି ଜାରୀ ରଖିଛନ୍ତି । ଶ୍ରଦ୍ଧାଳୁ ମାନେ ମୁହଁରେ ମାସ୍କ ପରିଧାନ କରିବା ସହ ସାମାଜିକ ଦୂରତା ରକ୍ଷା କରି ସଂନ୍ଧ୍ୟାରେ ଠାକୁରଙ୍କ ଏହି ବେଶ ଦର୍ଶନ କରିପାରିବେ । ସେନେଇ ମନ୍ଦିର ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
ଏହି ଉପଲକ୍ଷେ ଭୋରରୁ ମନ୍ଦିର ଦ୍ୱାରଫିଟା ପରେ ଠାକୁରଙ୍କ ଦୈନନ୍ଦିନ ନୀତିକାନ୍ତି ମଙ୍ଗଳ ଆଳତୀ, ମଇଲମ, ଅବକାଶ, ସୂର୍ଯ୍ୟପୂଜା, ଦ୍ୱାରପାଳ ପୂଜା, ସକାଳଧୂପ, ବଲ୍ଲଭ ଆଦି ନୀତି ସମ୍ପନ୍ନ ହୋଇଛି । ସଂନ୍ଧ୍ୟା ଧୂପରେ ସାକ୍ଷିଗୋପାଳଙ୍କ ଗଜ ଉଦ୍ଧାରଣ ବେଶ ଅନୁଷ୍ଠିତ ହେବା ନେଇ ସେବାୟତ ସଂଘ ପକ୍ଷରୁ ସୂଚନା ମିଳିଛି ।
