କନ୍ଧମାଳ, କନ୍ଧମାଳ ଜିଲ୍ଲାର ତୁମୁଡିବନ୍ଧ ଅଞ୍ଚଳରେ ଜଣେ ପାଗଳ ସପ୍ତାହେ ହେବ ବୁଲାବୁଲି କରୁଥିଲା । ସେ ଭୋକରେ ଡହଳ ବିକଳ ହେଉଥିବା ସମୟରେ ଏହା ବାବା ଜଳେଶ୍ୱର ଯୁବକ ସଂଘ ନଜରକୁ ଆସିଥିଲା । ଏହାକୁ ଦେଖି ବାବା ଜଳେଶ୍ୱର ଯୁବକ ସଂଘର ସଦସ୍ୟ ମାନସ ଦୀକ୍ଷିତ, ଦିନେଶ ଦୀକ୍ଷିତ, ଆଶିଷ ଦାସ, ରାଜେଶ ରାଉତ, ପଞ୍ଚାନନ ଡାକୁଆ, ଲୋକନାଥ ବେରୁକ, ମିଟୁ ପୂଜାରୀ, ସତ୍ୟ ପାତ୍ର ଓ ସମସ୍ତ ସଦସ୍ୟ ପାଗଳ ବ୍ୟକ୍ତିଙ୍କୁ ଉଦ୍ଧାର କରିଥିଲେ । ସେମାନେ ତାଙ୍କୁ ପ୍ରଥମେ ଗାଧୋଇ ଦେବା ପରେ ଖାଇବା ପାଇଁ ଦେଇଥିଲେ ଓ ସେହି ପାଗଳ ବ୍ୟକ୍ତିଙ୍କ ଠିକଣା ଖୋଜିବାରୁ ଜଣା ପଢ଼ିଥିଲା ଯେ, ସେ ବିହାର ରାଜ୍ୟର । ବାବା ଜଳେଶ୍ୱର ଯୁବକ ସଂଘର ସଦସ୍ୟ ମାନେ ତାଙ୍କ ଭରଣ ପୋଷଣ ଦାୟୀତ୍ବ ନେଇଛନ୍ତି । ଏବଂ ଯେ ପର୍ଯ୍ୟନ୍ତ ସେ ଠିକ୍ ନହୋଇଛନ୍ତି, ସେ ପର୍ଯ୍ୟନ୍ତ ସଂଘର ସଦସ୍ୟ ମାନେ ତାଙ୍କର ଦାୟୀତ୍ବ ନେବେ ବୋଲି କହିଛନ୍ତି ।
