କେନ୍ଦ୍ରାପଡା, କେନ୍ଦ୍ରାପଡା ଜିଲ୍ଲା ପରିଷଦ ର ୮ନଂ ଜୋନରେ ନିର୍ବାଚନ ପ୍ରଚାର ଦିନକୁ ଦିନ ତୀବ୍ର ହେବାରେ ଲାଗିଛି । ଗୁରୁତ୍ୱପୂର୍ଣ୍ଣ ଏହି ଜୋନରେ ବିଜେଡି ପକ୍ଷରୁ ପ୍ରାର୍ଥୀ ହୋଇଥିବା ରଶ୍ମି ରଞ୍ଜନ ରାଉତଙ୍କ ନିର୍ବାଚନ ପ୍ରଚାର ପାଇଁ ବିଧାୟକ ଶଶି ଭୂଷଣ ବେହେରା ପ୍ରଚାରର ମଙ୍ଗ ଧରିଥିବା ଦେଖିବାକୁ ମିଳୁଛି । ରାଜନୀତିରେ ସଂପୂର୍ଣ୍ଣ ନୂଆ ରଶ୍ମି ରଞ୍ଜନଙ୍କୁ ଜିତାଇବା ଲକ୍ଷ୍ୟରେ ଭୋଟର ମାନଙ୍କ ସହିତ ପରିଚିତ କରାଇ ଆଗାମୀ ମତଦାନରେ ବିଜୟ ହାସଲ କରିବା ଲକ୍ଷ୍ୟ ରଖି ପ୍ରଚାର ଅଭିଯାନକୁ ତୀବ୍ର କରାଯାଇଛି । ରଶ୍ମି ରଞ୍ଜନ ମଧ୍ୟ ଜୋନରେ ଥିବା କଳପଡା, ବଗଡା, ଉସ୍ତପୁର, କଂସାର, ପୁରୁଷୋତମପୁର, ଆୟବା ଓ କପାଳେଶ୍ୱର ପ୍ରଭୃତି ୭ଟି ପଂଚାୟତରେ ଅଭିଯାନ ଆରମ୍ଭ କରି ଭୋଟର ମାନଙ୍କୁ ବ୍ୟକ୍ତିଗତ ଭାବେ ସାକ୍ଷାତ କରି ନିର୍ବାଚନ ପ୍ରଚାର ଚଳାଇଥିବା ଦେଖିବାକୁ ମିଳିଛି । ଜୋନ ଅଧିନରେ ଥିବା ବିଭିନ୍ନ ଗ୍ରାମରେ ସଡକ ସୁବିଧା, ପାନୀୟ ଜଳ, ପରିମଳ ବ୍ୟବସ୍ଥା ଓ ସ୍ୱାସ୍ଥ୍ୟସେବା କୁ ଉପଲବ୍ଧ କରାଇବା ପାଇଁ ଭୋଟର ମାନଙ୍କୁ ପ୍ରତିଶୃତି ଦେଉଥିବା ଜଣାପଡିଛି । ତେବେ ଅପରପକ୍ଷରେ ରଶ୍ନିଙ୍କ ବିରୋଧରେ ଛିଡା ହୋଇଥିବା ପ୍ରାର୍ଥୀ ମାନେ ଅପେକ୍ଷାକୃତ ଦୁର୍ବଳ ଥିବାରୁ ରଶ୍ମିଙ୍କ ପ୍ରଚାର ଆଖିଦୁର୍ଶିଆ ହେଉଥିବା ଦେଖିବାକୁ ମିଳୁଛି ।
