ଗଞ୍ଜାମ, ଗଞ୍ଜାମ ଜିଲାର ପ୍ରଥମ ମହିଳା ସାମ୍ବାଦିକ ସ୍ୱର୍ଗତା ବିମଳା ମହାନ୍ତିଙ୍କ ତୃତୀୟ ବାର୍ଷିକ ଶ୍ରାଦ୍ଧ ଉତ୍ସବ ବ୍ରହ୍ମପୁର ବ୍ରଜନଗର ତୃତୀୟ ଲେନ୍ ସ୍ଥିତ ବିମଳା ଭବନରେ ଅନୁଷ୍ଠିତ ହୋଇଯାଇଛି । ସାମ୍ବାଦିକ ସଚ୍ଚିଦାନନ୍ଦ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ସାମ୍ବାଦିକ ତଥା ଡାକ୍ତର ନକୁଳ ସାହୁ ମୂଖ୍ୟବକ୍ତା, ଯୋତ୍ସ୍ନାରାଣୀ ପଣ୍ଡା ମୁଖ୍ୟ ଅତିଥି, ସମ୍ମାନୀତ ଅତିଥି ରୂପେ ଲକ୍ଷ୍ମୀସାବତ,ସ୍ନିଗ୍ଧା ପଟ୍ଟନାୟକ, ଝୁନୁ ପଟ୍ଟନାୟକ, ହିମାଂଶୁ କୁମାର ମହାନ୍ତି, ହରେକୃଷ୍ଣ ମହାନ୍ତି, ରାମପ୍ରସାଦ ସାମଲ, ଲୋକନାଥ ମହାରଣା, ଗୌରୀଶଙ୍କର ମହାନ୍ତି, ମନୋଜ କୁମାର ପାଢୀ, କହ୍ନେଇ ଚରଣ ପଣ୍ଡା, ଡି. ପର୍ଶୁରାମ ଓ ରାଜେଶ କୁମାର ପଟ୍ଟନାୟକ ପ୍ରମୁଖ ଯୋଗଦେଇ ସ୍ବର୍ଗତା ବିମଳା ମହାନ୍ତିଙ୍କ ସ୍ମୃତି ଚାରଣ କରିବା ସହ ସାମ୍ବାଦିକତା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ଓ ସମାଜସେବା କାର୍ଯ୍ୟର ଭୂୟଂଶୀ ପ୍ରଶଂସା କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଓୟୂଡବଲ୍ୟୁଜେ ଗଞ୍ଜାମ ଜିଲା ସଭାପତି ପରିଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଅନୁରୂପ ଭାବେ ପିତ୍ତଳ ଧର୍ମାନନ୍ଦ ମହିଳା ସମିତିରେ ସଂପାଦିକା ସୁଶ୍ରୀ ପୁଷ୍ପାଞ୍ଜଳି ପଣ୍ଡାଙ୍କ ଆବାହକତ୍ୱରେ ସ୍ୱର୍ଗତା ବିମଳା ମହାନ୍ତିଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ସମବେତ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି ।
