କୈଳାଶ ଚନ୍ଦ୍ର ପଣ୍ଡା,ପୁରୀ,
ଅଜଣା ଗାଡ଼ି ଧକ୍କାରେ ପୂର୍ବତନ କାଉନସିଲର ଙ୍କ ମୃତ୍ୟୁ ଘଟିଛି ।ଖବର ନେବାରେ ଜଣା ପଡ଼ିଛି ଯେ ଟାଉନ ଥାନା ଅନ୍ତର୍ଗତ ତିଆଡ଼ି ସାହି ୮ ନମ୍ବର ୱାର୍ଡ ର ପୂର୍ବତନ କାଉନସିଲର ରଞ୍ଜୁବାଳା ପଟ୍ଟନାୟକ ତାଙ୍କ ପୁତୁରା ସହ ସତ୍ୟବାଦୀ ଥାନା ଅନ୍ତର୍ଗତ ବୀରଗୋବିନ୍ଦପୁର ର ଅଧିଷ୍ଠାତ୍ରୀ ଦେବୀ ମା ଦକ୍ଷିଣକାଳୀ ଙ୍କ ଦର୍ଶନ ନିମନ୍ତେ ଏକ ବାଇକ୍ ଯୋଗେ ଯାଉଥିଲେ ।ବୀରଗୋବିନ୍ଦପୁର ନିକଟରେ ରାସ୍ତା ପାରି ହେଉଥିବା ସମୟରେ ପଛରୁ ଆସୁଥିବା ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଚାଲି ଯାଇଥିଲା |ରଞ୍ଜୁବାଳା ଏବଂ ତାଙ୍କ ପୁତୁରା ବାଇକ୍ ସହ ରାସ୍ତା ଉପରେ ଛିଟିକି ପଡ଼ି ଗୁରୁତର ଆହତ ହୋଇଥିଲେ ।ସ୍ଥାନୀୟ ଲୋକଙ୍କ ସହଯୋଗ ରେ ଦୁହିଁଙ୍କୁ ସତ୍ୟବାଦୀ ବଡ଼ ଡାକ୍ତରଖାନା କୁ ଚିକିତ୍ସା ନିମନ୍ତେ ଭର୍ତି କରାଯାଇଥିଲା ।ସେଠାରେ ଡାକ୍ତର ରଞ୍ଜୁବାଳା ଙ୍କୁ ଚିକିତ୍ସା ସମୟରେ ମୃତ ଘୋଷଣା କରିଥିଲେ ଏବଂ ତାଙ୍କ ପୂତୁରାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଚିକିତ୍ସା ନିମନ୍ତେ ଭୁବନେଶ୍ୱର ବଡ଼ ଡାକ୍ତରଖାନା କୁ ସ୍ଥାନାନ୍ତର କରାଯାଇଥିଲା ।ଖବର ପାଇ ସତ୍ୟବାଦୀ ଥାନା ପୋଲିସ ମେଡିକାଲ ରେ ପହଞ୍ଚି ଶବକୁ ଜବତ କରିବାସହ ବ୍ୟବଚ୍ଛେଦ ନିମନ୍ତେ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି ।
