ମାଲକାନଗିରି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ଵାନ କ୍ରମେ ପୁରା ଦେଶ ସହୀଦ ମାନଙ୍କ ସ୍ମୃତି ଉଦ୍ଦେଶ୍ୟରେ ୨ ମିନିଟ ନୀରବ ପ୍ରାର୍ଥନା ଅବଲମ୍ବନ କରି ଶ୍ରଦ୍ଧାଞ୍ଜଳି ଅର୍ପଣ କରୁଥିବା ବେଳେ ଆଜି କୁଡୁମୁଲୁଗୁମ୍ମା ସ୍ଥିତ ପୋଲିସ ଫାଣ୍ଡି ଠାରେ ମଧ୍ୟ ଅନୁରୂପ ନୀରବ ପ୍ରାର୍ଥନା କରାଯାଇଛି । ଦେଶର ବୀର ସହୀଦ ମାନଙ୍କ ସ୍ମୃତି ବହନ ଏହି କାର୍ଯ୍ୟକ୍ରମରେ ଫାଣ୍ଡି ଅଧିକାରୀ ଗିରିଶ ଚନ୍ଦ୍ର ମହାରଣା, ସହକାରୀ ପୋଲିସ ଅଧିକାରୀ କମଳ ଲୋଚନ ନାୟକଙ୍କ ସହ ଫାଣ୍ଡିର ସମସ୍ତ ପୋଲିସ କର୍ମଚାରୀ ମାନେ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସମ୍ପୂର୍ଣ୍ଣ କାର୍ଯ୍ୟକ୍ରମ କୋଭିଡ ନିୟମାବଳୀ ଅନୁସାରେ ସମ୍ପାଦନା କରାଯାଇଛି ।
