ଭଞ୍ଜନଗର- ଭଞ୍ଜନଗର ଅଞ୍ଚଳ ର ବିଶିଷ୍ଟ ସମାଜସେବୀ, ରୋଟାରୀ କ୍ଲବ ର ଆଜୀବନ ସଦସ୍ୟ, ନବୀନ ପତ୍ରିକା ର ଭଞ୍ଜନଗର ପ୍ରତିନିଧି, ବରିଷ୍ଠ କଳାକାର, ତଥା ଲୋକ ବନ୍ଧୁ ଭାବେ ପରିଚିତ ସଚିଦାନନ୍ଦ ଵେବର୍ତ୍ତା (ସଚି ଭାଇ) ଙ୍କର ଆଜି ସକାଳ ସାଢେ ନଅଟା ସମୟରେ ତାଙ୍କ ପ୍ରଧାନ କଲୋନୀ ଭଡ଼ା ଘରେ ଦେହାନ୍ତ ଘଟିଛି l ଗତ କିଛି ମାସ ହେଲା ସେ ଅସୁସ୍ଥ ଥିଲେ l ତାଙ୍କର ବିୟୋଗ ରେ ସ୍ଥାନୀୟ ଜନସାଧାରଣ ଗଭୀର ଶୋକ ପ୍ରକାଶ କରିଛନ୍ତି l ସେ ଏନ୍.ଇ.ସି ସ୍ବେଛାସେବୀ ଅନୁଷ୍ଠାନ ର ସମ୍ପାଦକ ଭାବେ ଦୀର୍ଘ ବର୍ଷ ହେଲା ବିଭିନ୍ନ ପ୍ରକଳ୍ପ ରେ କାର୍ଯ୍ୟ କରିବା ଏବଂ ବିଭିନ୍ନ ସଂଗଠନର ଜନ ହିତକର କାର୍ଯ୍ୟରେ ଜଡିତ ଥିଲେ l ସେ ଗତ 26.2.1954 ମସିହାରେ ଧରାକୋଟ ବ୍ଲକ ଯାହାଡା ଗ୍ରାମରେ ଜନ୍ମ ଗ୍ରହଣ କରିଥିଲେ l ଯୁବା ବୟସ ରେ ଗୁରୁ ଗଣନାଥ ଜେନା ଙ୍କ ସହଯୋଗୀ ଭାବେ ଓଡିଶା ଥିଏଟର ରେ ବହୁ ବର୍ଷ କାମ କରିବା ପରେ ଏଠାରେ ଆସି ସମାଜସେବୀ ଭାବେ କାର୍ଯ୍ୟ ଆରମ୍ଭ କରିଥିଲେ l ଆଜି ତାଙ୍କ ଅନ୍ତିମ କାର୍ଯ୍ୟ ରେ ବହୁ ସାମ୍ବାଦିକ, ରୋଟାରୀ କ୍ଲବ ସଦସ୍ୟ, ସମାଜସେବୀ, ବୁଦ୍ଧିଜୀବି ଓ ଅନ୍ୟ ମାନେ ଉପସ୍ଥିତ ରହି ଶେଷକୃତ୍ୟ ସମ୍ପର୍ଣ୍ଣ କରିଥିଲେ l
