ଘସିପୁରା, ଅଜଣା ଗାଡ଼ି ଧକ୍କାରେ ଜଣେ ଯୁବକର ମୃତ ହୋଇଥିବା ଜଣାପଡ଼ିଛି । ମୃତକ ହେଲେ ଆନନ୍ଦପୁର ପୌର ପରିଷଦ ୩ ନଂ ୱାର୍ଡ ର ମାଡୁ ପାଢୀଙ୍କ ପୁଅ ମହେଶ୍ଵର ପାଢୀ (୩୦) ବୋଲି ଜଣାପଡ଼ିଛି ।
ସୂଚନା ରୁ ଜଣାଯାଏ, ମହେଶ୍ଵର ଘଟଗାଁ ଜିଓ କମ୍ପାନୀରେ କାମ କରୁଥିବା ବେଳେ ଗତକାଲି ବିଳମ୍ବିତ ରାତିରେ ବାଇକ୍ ଯୋଗେ ଘରକୁ ଫେରୁଥିଲେ । ୨୦ ନଂ ଜାତୀୟ ରାଜପଥର ତାରିଣୀ ମହାବିଦ୍ୟାଳୟ ଛକ ଠାରେ ହଠାତ୍ ଏକ ଅଜଣା ଗାଡ଼ି ମହେଶ୍ଵରଙ୍କୁ ପଛ ପଟୁ ଧକ୍କା ଦେଇଥିଲା । ପଂଳରେ ମହେଶ୍ଵରଙ୍କ ଘଟଣାସ୍ଥଳରେ ମୃତ୍ୟ ଘଟିଥିଲା । ପରିବାର ଲୋକେ ଶବ ଉଦ୍ଧାର କରି ଶବକୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ଆଣିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟାଇଥିବା ଗାଡ଼ିଟି ଫେରାର ହୋଇଯାଇଛି ।
