କୈଳାଶ ଚନ୍ଦ୍ର ପଣ୍ଡା,ପୁରୀ
ଦୃଢ଼ ଇଚ୍ଛାଶକ୍ତି ଦ୍ଵାରା ଅସମ୍ଭବ କୁ ସମ୍ଭବ କରିବା ର ଅନନ୍ୟ ଉଦାହରଣ ସୃଷ୍ଟି କରିଥିବା ବିଶ୍ୱ ରେକର୍ଡଧାରୀ କମଳାକାନ୍ତ ଙ୍କୁ ଆଜି “ଉର୍ଜାବାନ ଓଡ଼ିଶା” ପକ୍ଷରୁ ସମ୍ଵର୍ଦ୍ଧିତ କରାଯାଇଛି l ପୁରୀ ଜିଲ୍ଲା ବ୍ରହ୍ମଗିରି ନିର୍ବାଚନ ମଣ୍ଡଳୀ ନିଆଜପୁର ଗ୍ରାମର ଏହି ଦିବ୍ୟାଙ୍ଗ ଯୁବକ 24 ଘଣ୍ଟା ମଧ୍ୟରେ 215 କିଲୋମିଟର ଅତିକ୍ରମ କରି ସମଗ୍ର ରାଜ୍ଯ ସମେତ ପୁରୀ ଜିଲ୍ଲା ପାଇଁ ଗୌରବ ଆଣିଛନ୍ତି l ଉକ୍ତ ସମ୍ବର୍ଦ୍ଧନା କାର୍ଯ୍ୟକ୍ରମରେ ସଂଗଠନର ସଭାପତି ଶ୍ରୀ ସନ୍ତୋଷ ସେନାପତି ଉତ୍ତରୀୟ ସହ ପୁଷ୍ପ ଗୁଚ୍ଛ ପ୍ରଦାନ କରିଥିଲେ l ନିଜ ବକ୍ତବ୍ୟରେ କମଳାକାନ୍ତ କହିଥିଲେ ସଂଘର୍ଷ ରୁ ସଫଳତା ପ୍ରାପ୍ତି କରିବା ତାଙ୍କର ଏକମାତ୍ର ଲକ୍ଷ୍ୟ ଥିଲା l ନିଜ ଅଞ୍ଚଳ କୁ ସମଗ୍ର ବିଶ୍ଵ ଦରବାରରେ ପରିଚିତ କରିବା ପାଇଁ ତାଙ୍କର ଏହି ପ୍ରୟାସ ପାଇଁ ଖୁସି ଅନୁଭବ ହେଉଛି l ଉକ୍ତ କାର୍ଯ୍ୟକ୍ରମରେ ସଂଗଠନର ସଂପାଦିକା ନିହାରିକା ତ୍ରିପାଠୀ, ଜିତେନ୍ଦ୍ର ପାତ୍ର, ଧନେଶ୍ୱର ପାତ୍ର, ଦୁଷ୍ମନ୍ତ ପ୍ରଧାନ, ବିଶ୍ୱଜିତ ପ୍ରଧାନ ପ୍ରମୁଖ ଉପସ୍ଥିତ ଥିଲେ l
