ଭୁବନେଶ୍ୱର, ବିଜେପି ଛାଡି ବିଜେଡିରେ ମିଶିଛନ୍ତି ଚିଲିକା ବ୍ଲକ ଅଧ୍ୟକ୍ଷା ଝରଣା ବାରିକ । ମଙ୍ଗଳବାର ବିଜୁ ଯୁବ ଜନତା କାର୍ଯ୍ୟାଳୟ ଠାରେ ଅନୁଷ୍ଠିତ ମିଶ୍ରଣ ପର୍ବରେ ଝରଣା ତାଙ୍କ ସମର୍ଥକଙ୍କ ସହ ସେ ବିଜେଡିରେ ସାମିଲ ହୋଇଛନ୍ତି । ୨୦୧୭ରେ ବିଜେପି ସମର୍ଥନରେ ସେ ବ୍ଲକ ଅଧ୍ୟକ୍ଷା ହୋଇଥିଲେ । ଏହାସହ ବାଣପୁର ବ୍ଲକ ନନ୍ଦପୁର ଗ୍ରାମ ପଂଚାୟତର ୧୫ ନମ୍ବର ଜୋନର ଜିଲ୍ଲା ପରିଷଦ ସଭ୍ୟ ଦମୟନ୍ତୀ ବସ୍ତି ବିଜେପି ଛାଡି ବିଜେଡିରେ ମିଶିଛନ୍ତି । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ବିଜେଡିରେ ଯୋଗ ଦେଇଥିବା ସମସ୍ତଙ୍କୁ ଦଳକୁ ସ୍ୱାଗତ ଜଣାଇଥିଲେ ।
