ଗଞ୍ଜାମ,ବ୍ରହ୍ମପୁର ଲାଞ୍ଜିପଲ୍ଲି ଜାତୀୟ ରାଜପଥ ନିକଟ ଏକ ନିର୍ମାଣାଧୀନ ଘର ଉପରେ ଆଜି ସକାଳେ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଚଢ଼ଉ କରାଯାଇ ୧୦ କ୍ୱିଂଟାଲରୁ ଉର୍ଦ୍ଧ୍ୱ ଗଞ୍ଜେଇ ଜବତ ହୋଇଛି । ଜାତୀୟ ରାଜପଥ କଡ଼ ଢ଼ାବା ନିକଟରେ ଥିବା ଏହି ନିର୍ମାଣାଧୀନ ଘର ମଧ୍ୟରେ ଗଞ୍ଜେଇ ରଖି ବାହାରକୁ ଚାଲାଣ ଉଦ୍ୟମ ବେଳେ ଏହାକୁ ଜବତ କରିଛନ୍ତି ବିଭାଗୀୟ କର୍ମଚାରୀ ମାନେ । ଘଟଣାରେ ଜଣଙ୍କୁ ଗିରଫ କରାଯାଇଛି । ଅନ୍ୟ ଜଣେ ଚମ୍ପଟ୍ ମାରିଛି । ଗିରଫ ଅଭିଯୁକ୍ତ ଜଣକ ହେଲେ ଜିତେନ୍ଦ୍ର ଉଦାରସିଂହ । ଜବତ ଗଞ୍ଜେଇର ଆନୁମାନିକ ମୂଲ୍ୟ କୋଟିଏରୁ ଉର୍ଦ୍ଧ୍ୱ ହେବ ବୋଲି ଆକଳନ କରାଯାଇଛି । ଏହି ଗଞ୍ଜେଇ ଗଜପତି ଜିଲ୍ଲାର ଅଡ଼ବାରୁ ଉତରପ୍ରଦେଶ ରାଜ୍ୟକୁ ଚାଲାଣ କରାଯାଉଥିବା ବେଳେ ଧରାପଡିଛି ।
