ଗଞ୍ଜାମ, ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ପାକଲାପଲ୍ଲୀ ଗ୍ରାମରେ ଦୁଇ ଜଣ ବ୍ୟକ୍ତି ସନ୍ଦିଗ୍ଧ ଅବସ୍ଥାରେ ବୁଲୁଥିବା ବେଳେ ଆସିକା ପୋଲିସ ନଜରକୁ ଆସିଥିଲା । ପୋଲିସ ସମ୍ପୃକ୍ତ ଦୁଇ ଜଣଙ୍କୁ ସନ୍ଦେହରେ ପଚରା ଉଚୁରା କରିବା ପରେ ସେମାନଙ୍କ ଠାରୁ ୨୮ କେ.ଜି. ଗଞ୍ଜେଇ ଜବତ କରିଛି । ଘଟଣାରେ ଉଭୟଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଦ୍ୱୟ ବିହାର ରାଜ୍ୟର । ଏମାନେ କନ୍ଧମାଳରୁ ଗଞ୍ଜେଇ ନେଇ ବିହାରରେ ବ୍ୟବସାୟ କରୁଥିବା ତଦନ୍ତରୁ ଜଣାପଡିଛି ବୋଲି ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି ।
