-
ସତୀଚଉରାରେ ସଂପନ୍ନ ହେଲା ଶେଷକୃତ୍ୟ
କଟକ, ଓଡିଆ ସିନେମା ଜଗତର ବର୍ଷିଆନ କଳାକାର ମିହିର ଦାସ ପଂଚଭୂତରେ ଲୀନ ହୋଇଛନ୍ତି । ସତୀଚଉରାରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ତାଙ୍କ ପୁଅ ଅମ୍ଲାନ ମୁଖାଗ୍ନି ଦେଇଛନ୍ତି । ଗାର୍ଡ ଅଫ ଅନର ସହ ତାଙ୍କର ଶେଷକୃତ୍ୟ ସମ୍ପନ୍ନ କରା ଯାଇଛି ।ଅ।।ଜି ସକାଳୁ ଲଗାତାର ବର୍ଷା ଜାରି ରହିଥିବା ସତ୍ୱେ ବି ପ୍ରଶଂସକମାନେ ତାଙ୍କ ପ୍ରିୟ ଅଭିନେତାଙ୍କ ଶେଷ ଯାତ୍ରାରେ ସାମିଲ ହୋଇଥିଲେ । ତାଙ୍କର ଶେଷ ଟିକକ ଝଲକ ପାଇବା ପାଇଁ ପ୍ରଂଶସକଙ୍କ ଭିଡ ଦେଖିବାକୁ ମିଳିଥିଲା । ବିଶିଷ୍ଟ ରାଜନେତା, ଫିଲ୍ମ ଅଭିନେତାଙ୍କଠାରୁ ଆରମ୍ଭ କରି ସାଧାରଣ ଲୋକ ସମସ୍ତେ ଶେଷ ଥର ପାଇଁ ଏହି ଭେଟରାନ ଆକ୍ଟରଙ୍କୁ ଦେଖିବାକୁ ଅନେକ ସମୟ ଧରି ଛିଡ଼ା ହୋଇଥିଲେ । ପରିବେଶ ଶୋକାକୂଳ ହୋଇ ପଡିଥିଲା ।ଦୀର୍ଘ ବର୍ଷ ଧରି କିଡନି ରୋଗରେ ପୀଡ଼ିତ ଥିବା ମିହିର ଦାସ ମାସେ ତଳେ ଗୁରୁତର ହୋଇପଡ଼ିଥିଲେ । ଏହାପରେ ତାଙ୍କୁ କଟକର ଏକ ଘରୋଇ ହସ୍ପିଟାଲରେ ଭତ୍ତର୍ତି କରାଯାଇଥିଲା । ସେବେଠାରୁ ସେ ଆଇସିୟୁରେ ଥିଲେ । ମଲ୍ଟି ଅର୍ଗାନ ଫେଲୁଅର ହେତୁ ଗତକାଲି ଅପରାହ୍ଣ ୩ଟା ୨୫ରେ ତାଙ୍କର ପରଲୋକ ହୋଇଥିଲା ।
