ନୂଆପଡ଼ା, ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ ଭୋଜପୁର ଠାରେ ଭୋଜପୁର ଯାଦବ ମହିଳା ସମିତିର ଏକ ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ ଜିଲ୍ଲା ଯାଦବ ମହିଳା ସଭାନେତ୍ରୀ ମମତା ମଞ୍ଜରୀ ଥପା । ସମ୍ମାନିତ ଅତିଥି ଭାବରେ ଭୋଜପୁର ସରପଂଚ ଯଶୋବନ୍ତୀ ଗହିର, ବରିଷ୍ଠ ସଦସ୍ୟା ପ୍ରମୋଦିନୀ ପୁଞ୍ଜି ଓ ଗୀତାଞ୍ଜଳି ଭୋଇ ବୈଠକରେ ଉପସ୍ଥିତ ରହିଥିଲେ । ସମାଜରେ ଥିବା ବିଭିନ୍ନ କୁସଂସ୍କାର ଦୂରିକରଣରେ ମହିଳା ସମାଜର ଭୂମିକା, ଶିକ୍ଷା ଓ ଆର୍ଥିକ କ୍ଷେତ୍ରରେ ଉନ୍ନତି ବିଷୟ ସବୁ ଆଲୋଚନା କରାଯାଇଥିଲା । ଆଗାମୀ ଦିନରେ ବିଭିନ୍ନ ପଞ୍ଚାୟତ ସ୍ତରରେ ବୈଠକ କରାଯାଇ ସମସ୍ତଙ୍କୁ କିପରି ସଚେତନ କରିବା ସହିତ ସାମାଜ ସଂଗଠନକୁ କିପରି ସୁଦୃଢ଼ କରାଯିବ ସେନେଇ ଅତିଥି ମାନେ ମତବ୍ୟକ୍ତ କରିଥିଲେ ।
