କନ୍ଧମାଳ ,ସମଗ୍ର ପୃଥିବୀ ରେ ଖ୍ରୀଷ୍ଟମାସ ପର୍ବ ପାଳନ ହୋଇଥିବା ବେଳେ ଫୁଲବାଣୀ ରେ ଜିଲ୍ଲା ପ୍ରେସ କ୍ଲବ ରେ ମଧ୍ୟ ଏହି ପର୍ବ କୁ ଭବ୍ୟ ଆୟୋଜନ ରେ ପାଳନ କରାଯାଇଛି। କାର୍ଯ୍ୟକ୍ରମ ରେ ଜିଲ୍ଲା ପ୍ରେସ କ୍ଲବ ର ସଭାପତି ସୂନୀଲ ପଟ୍ଟନାୟକ ପରିଚାଳନା ରେ ଅନୁଷ୍ଠିତ ହୋଇଯାଇଛି। ଏଥିରେ ପ୍ରେସକ୍ଳବର ବରିଷ୍ଠ ସଦସ୍ୟ ଡ. ଅରୁପ କୁମାର ଜେନା ଏବଂ ଅନ୍ୟତମ ଖ୍ରୀଷ୍ଟ ଧର୍ମାବଲମ୍ବୀ ସୂର୍ଯ୍ୟନାରାୟଣ ବେହେରାଙ୍କୁ ପୁଷ୍ପ ଗୁଚ୍ଛ ଦେଇ ସଭାପତି ସ୍ବାଗତ କରିଥିଲେ। ପରେ ଅରୁପ କୁମାର ଜେନା ଖ୍ରୀଷ୍ଟ ଧର୍ମ ଗ୍ରନ୍ଥ ବାଇବେଲର ପ୍ରକୃତ ଅର୍ଥ ଏବଂ ଯୀଶୁ ଖ୍ରୀଷ୍ଟଙ୍କ ଜୀବନର କେତେକ ମୁଖ୍ୟ କଥା ବାବଦରେ ଉପସ୍ଥିତ ସମସ୍ତ ସଦସ୍ୟ ସଦସ୍ୟା ମାନଙ୍କୁ କହିଥିଲେ। ଖ୍ରୀଷ୍ଟ ଧର୍ମ ପ୍ରଚାରକ ତଥା କ୍ଲବର ସଦସ୍ୟ ସୂର୍ଯ୍ୟ ନାରାୟଣ ବେହେରା ପବିତ୍ର ବଡଦିନ ଅବସରରେ ସମସ୍ତ ସାମ୍ବାଦିକ ମାନଙ୍କ କଲ୍ୟାଣ ପାଇଁ ପ୍ରାର୍ଥନା କରିଥିଲେ। ଏହି ଅବସରରେ ନିମନ୍ତ୍ରିତ ଅତିଥି ଭାବେ ଯୋଗଦେଇ ବରିଷ୍ଠ ଆଇନଜୀବୀ ବିଜୟ କୃଷ୍ଣ ପଟ୍ଟନାୟକ ପ୍ରେସକ୍ଳବର ଏହି ଆୟୋଜନ ପାଇଁ କର୍ମକର୍ତ୍ତା ମାନଙ୍କୁ ଧନ୍ୟବାଦ ଦେବା ସହିତ ସମସ୍ତ ଧର୍ମ ର ପର୍ବପର୍ବାଣୀ ଗୁଡିକ ପ୍ରେସକ୍ଳବରେ ପାଳନ କରାଗଲେ ସର୍ବଧର୍ମ ସମଭାବ ଓ ଭାଇଚାରା ସୃଷ୍ଟି ହେବ ବୋଲି ମତବ୍ୟକ୍ତ କରିଥିଲେ। ପରେ ଖ୍ରୀଷ୍ଟମାସ କେକ୍ କଟା ଯିବା ସହିତ ମିଷ୍ଟାନ୍ନ ବଣ୍ଟନ କରିଯାଇ ସମସ୍ତଙ୍କୁ ଉପହାର ପ୍ରଦାନ କରାଯାଇଥିଲା। ଶେଷରେ ପ୍ରେସକ୍ଳବର ସାଧାରଣ ସମ୍ପାଦକ ପ୍ରଶାନ୍ତ କୁମାର ବେହେରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
