ବଲାଙ୍ଗିର, ଗତକାଲି ରାତି ପ୍ରାୟ ୧୧ଟା ସମୟରେ ରଙ୍ଗ ମିସ୍ତ୍ରୀ ଓ ତାର ସହଯୋଗୀ କାମ ସାରି ସ୍କୁଟି ଯୋଗେ ଘରକୁ ଫେରୁଥିବା ବେଳେ ସମ୍ବଲପୁର -ବଲାଙ୍ଗୀର ଜାତୀୟ ରାଜପଥର ସତ୍ୟ ନାରାୟଣ ପଡା ଲକ୍ଷ୍ମୀଜୋର ପୋଲ ଉପରେ ଅପର ପାର୍ଶ୍ବରୁ ଆସୁଥିବା ଟ୍ରକ୍ ସହ ଧକ୍କାରେ ଦୁଇ ଜଣ ଗୁରୁତର ହୋଇଥିଲେ । ପୋଲିସ ପିସିଆର୍ ଗାଡି ଆହତ ମାନଙ୍କୁ ଭୀମଭୋଇ ମେଡିକାଲ୍ କଲେଜ୍ ହସ୍ପିଟାଲକୁ ନେଇଥିଲେ । ପରେ ଅଧିକ ଚିକିତ୍ସା ନିମନ୍ତେ ସେମାନଙ୍କୁ ବୁର୍ଲା ନେବାକୁ ପ୍ରସ୍ତୁତି ବେଳେ ଦୁଇ ଜଣଙ୍କ ମୃତ୍ୟୁ ହୋଇଥିବା ପ୍ରକାଶ । ମୃତକ ଦ୍ବୟ ହେଲେ ସତ୍ୟ ନାରାୟଣ ପଡାର ତ୍ରିଲୋଚନ ସାଇ ଓ ସଦର ବ୍ଲକ ସିନ୍ଦୁର ବାହାଲର ଗୌରହରି ପଟେଲ । ଟ୍ରକ୍ ଓ ଡ୍ରାଇଭରକୁ ପୁଲିସ ଅଟକ ରଖିଛି ।
