ନୂଆପଡ଼ା, ନୂଆପଡା ଜିଲ୍ଲା ଖଡ଼ିଆଳ ବ୍ଲକ୍ କେନ୍ଦୁପାଟି ପଂଚାୟତର କେନ୍ଦୁଗୁଡା ଗ୍ରାମ ଠାରେ ଜଳ ଶକ୍ତି ଅଭିଯାନ ଓ ଜଳ ଜୀବନ ମିଶନ ସମ୍ପର୍କିତ କର୍ମଶାଳା ଅନୁଷ୍ଠିତ ହୋଇଯାଇଛି । କ୍ଷେତ୍ର ଜଳସମ୍ପର୍କ ବ୍ୟୁରୋ ଅଧିକାରୀ ବିଷ୍ଣୁଚରଣ ସାହୁଙ୍କ ଅଧ୍ୟକ୍ଷତାରେ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ, କ୍ଷୁଦ୍ର ଜଳସେଚନ ବିଭାଗ ନିର୍ବାହୀଯନ୍ତ୍ରୀ ରଘୁନାଥ ମିଶ୍ର, ଗ୍ରାମ୍ୟ ଜଳ ଓ ପରିମଳ ବିଭାଗ ଯନ୍ତ୍ରୀ ଦେବୀ ପ୍ରସାଦ ତାଣ୍ଡି, କେନ୍ଦୁପାଟି ସରପଂଚ ଉର୍ବଶୀ ପୋଡ, ସଭାପତି ମହେନ୍ଦ୍ର କୁମାର ଯୋଷୀ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ । ଯେ କୌଣସି ସ୍ଥାନ ବା ସମୟରେ ବିଭିନ୍ନ ଉପାୟରେ ବର୍ଷା ଜଳ ସଂରକ୍ଷଣକୁ ସୁନିଶ୍ଚିତ କରିବା ସର୍ବସମୟରେ ସର୍ବଦା ଜଳ ମିଳିବା ଆବଶ୍ୟକତା ଏବଂ ପାଇପ୍ ଯୋଗେ ଲୋକମାନଙ୍କୁ ପ୍ରତ୍ୟେକ ଘରକୁ ଟ୍ୟାପ୍ ପାଣି ଦିଆଯିବା ପାଇଁ ଲୋକମାନଙ୍କୁ ସଚେତନ କରାଯାଇଥିଲା ।
ସୂଚନା ଥାଉକି, ପ୍ରାରମ୍ଭରେ ଏକ ସଚେତନତା ଶୋଭାଯାତ୍ରା ଗ୍ରାମ ପରିକ୍ରମା କରିଥିଲା । ଜଳ ଜୀବନ ସମ୍ପର୍କରେ ବକୃତା ଓ କୁଇଜ୍ ପରୀକ୍ଷା ରଙ୍ଗୋଲି ଇତ୍ୟାଦି ପ୍ରତିଯୋଗିତା ମାନ କରାଯାଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା ।
