-
ଫୁଲବାଣୀ ୬.୫, ଦାରିଙ୍ଗବାଡି ୭.୫ ଡିଗ୍ରୀ ତାପମାତ୍ରା
କନ୍ଧମାଳ, କନ୍ଧମାଳ ଜିଲ୍ଲାରେ ତାପମାତ୍ରା ସାମାନ୍ୟ ବୃଦ୍ଧି ପାଇଛି ହେଲେ ଜିଲ୍ଲାରେ ଶୀତର ପ୍ରକୋପ କମି ନାହିଁ । ଜିଲ୍ଲାର ଆଭ୍ୟନ୍ତରୀଣ ଅଂଚଳରେ ଥଣ୍ଡା ଅଧିକ ମାତ୍ରାରେ ଅନୁଭୁତ ହେଉଛି । ଜିଲ୍ଲା ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆଜି ଜିଲ୍ଲା ସଦର ମହକୁମା ଫୁଲବାଣୀର ସର୍ବନିମ୍ନ ତାପମାତ୍ରା ୬.୫ ଡିଗ୍ରୀ ରହିଥିବା ବେଳେ ଦାରିଙ୍ଗବାଡିରେ ୭.୫ ଡିଗ୍ରୀ ସେଲସିୟସ ରହିଛି । ତେବେ ଶୀତର ପ୍ରଭାବ ଅନୁଭବ ହେଉଛି । ତେଣୁ ଲୋକଙ୍କ ଦୈନନ୍ଦିନ ଜୀବନ ପ୍ରଭାବିତ ହୋଇଛି । ଖ୍ରୀଷ୍ଟମାସ୍ ପର୍ବ ଆଉ ମାତ୍ର ଗୋଟିଏ ଦିନ ବାକି ଥିବାବେଳେ ଖ୍ରୀଷ୍ଟୀୟ ପରିବାର ଲୋକେ ଏହି ପାଗର ଆନନ୍ଦ ନେଉଛନ୍ତି ।
