ସମ୍ବଲପୁର, ସଦର ଥାନା ଅନ୍ତର୍ଗତ ସିନ୍ଦୁରପଙ୍କ ନିକଟରେ ଥିବା ଟାଟା ବେଞ୍ଜ ସର୍ଭିସିଂ ଗ୍ୟାରେଜରେ ଆଜି ସକାଳେ ଅଚାନକ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡ ବେଳେ ଗ୍ୟାରେଜ ଥିବା ଲକ୍ଷାଧିକ ଟଙ୍କାର ଯାନ୍ତ୍ରୀକ ସାମଗ୍ରୀ ପୋଡି ନଷ୍ଟ ହୋଇଯାଇଛି । ଗ୍ୟାରେଜରେ ନିଆଁ ଲାଗିଥିବା ଖବର ପାଇ ଘଟଣାସ୍ଥଳରେ ତୁରନ୍ତ ଦୁଇଟି ଦମକଳ ବାହିନୀ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ କିପରି କେଉଁ ପରିସ୍ଥିତିରେ ଟାଟା ବେଞ୍ଜର ଗ୍ୟାରେଜରେ ନିଆଁ ଲାଗିଲା ସେ ନେଇ କୌଣସି ସ୍ପଷ୍ଟ ସୂଚନା ମିଳି ନଥିବା ବେଳେ ବିଦ୍ୟୁତ ସର୍ଟସର୍କିଟରୁ ନିଆଁ ଲାଗିଥିବା ଆଶଙ୍କା କରାଯାଉଛି । ଏନେଇ ଅଗ୍ନିଶମ ବିଭାଗ ଅଧିକ ତଦନ୍ତ ଜାରି ରଖିଥିବା ସମ୍ବଲପୁର ଅଗ୍ନିଶମ କାର୍ଯ୍ୟାଳୟ ପକ୍ଷରୁ ସୂତ୍ରରୁ ପ୍ରକାଶ ।
