“ବୃଦ୍ଧଜନ ସେବା ସଂସ୍ଥାନ”, ଉଦୟପୁର (ରାଜସ୍ଥାନ)ର ସୁନାମଧନ୍ୟ ଚିକିତ୍ସାବିତ୍ ଡଃ ସାହିଲ ଗ୍ରୋବାର, କୈଳାଶ କୁମାର ଓ ତାଙ୍କ ଟିମଙ୍କ ଦ୍ବାରା ପରିଚାଳିତ ଏହି ଶିବିରରେ ମୁଖ୍ୟତଃ ଆଣ୍ଠୁ, ଅଣ୍ଟା ଓ ପିଠିର ଯନ୍ତ୍ରଣା ତଥା ସାଇଟିକା ପରି ଯନ୍ତ୍ରଣାଦାୟକ ବ୍ୟାଧି ଚିକିତ୍ସା ଓ ଆଶୁ ଉପଶମ ତଥା ଚିକିତ୍ସା ପରବର୍ତ୍ତୀ ପରାମର୍ଶ ନିଃଶୁଳ୍କ ଦିଆଯାଉଛି। ସଭା ଶେଷରେ ଏସିପି ଶ୍ରୀ ରଜତ ରାୟ ଓ ଶ୍ରୀ ପରେଶ ରାଉତ ଏବଂ ଲକ୍ଷ୍ମୀସାଗର ଥାନାଧିକାରୀ ଶ୍ରୀ ଓଁମ ପ୍ରକାଶ ମହାନ୍ତିଙ୍କ ସହ ସମାଜର ବିବିଧ କ୍ଷେତ୍ରରେ ଉତ୍କର୍ଷତା ପାଇଁ ବହୁ ସମାଜସେବୀ ଓ ସାମ୍ବାଦିକଙ୍କୁ ସମ୍ମାନିତ କରାଯାଇଥିଲା।
ଉମେଶ ଖଣ୍ଡେଲୱାଲ ଫାଉଣ୍ଡେସନ ଟ୍ରଷ୍ଟ ସଂସ୍ଥାପକ ତଥା ଉତ୍କଳ ପ୍ରଦେଶକ ମାରୱାଡି ସମ୍ମିଳନୀ ଭୁବନେଶ୍ୱର ଶାଖା ଅଧ୍ୟକ୍ଷ ଉମେଶ ଖଣ୍ଡେଲୱାଲ, ସଚିବ ହରିଅମ ଗୋୟଲ,କାର୍ଯ୍ୟକ୍ରମ ସଂଯୋଜକ ରାଜେଶ କେଜ୍ରିୱାଲ, ସୁରେଶ କମାନୀ, କଟକ ଶାଖା ଅଧ୍ୟକ୍ଷ ପଦମ ଭାଉସିନିକା,କମଲ ଅଗ୍ରୱାଲ ସମାଜସେବୀ ଶ୍ରୀ ଅଶୋକ କୁମାର ଦାସ, ମାହେଶ୍ୱରୀ ସମାଜ ଅଧ୍ୟକ୍ଷ ଘନଶ୍ୟାମ ପେରିଓ୍ବାଲ,ରୋହିତ ଖେମକା, ଲକ୍ଷ୍ମୀ ନାରୟଣ ଅଗ୍ରୱାଲ ଉପ ସଭାପତି UPMS ,ଆଲୋକ ସରାଫ, ପ୍ରଶାନ୍ତ କୁମାର ମହାପାତ୍ରଙ୍କ ସମେଥ ଉତ୍କଳ ପ୍ରଦେଶକ ମାରୱାଡି ସମ୍ମିଳନୀ ଏବଂ ଉମେଶ ଖଣ୍ଡେଲୱାଲ ଫାଉଣ୍ଡେସନ ଟ୍ରଷ୍ଟର ସମସ୍ତ ସଦସ୍ୟ ପ୍ରମୁଖ ସକ୍ରିୟ ସହଯୋଗ ପ୍ରଦାନ କରିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଗରିବ ଓ ଅସହାୟ ପିଲାମାନଙ୍କୁ ନିରନ୍ତର ନିଃଶୁଳ୍କ ଶିକ୍ଷା ଯୋଗାଉଥିବା ଉମେଶ ଖଣ୍ଡେଲୱାଲ ଫାଉଣ୍ଡେସନ ଟ୍ରଷ୍ଟ ତରଫରୁ କରୋନାର ପ୍ରଥମ ପର୍ଯ୍ୟାୟରେ ଏକ ଲକ୍ଷ କୋଡିଏ ହଜାର ଲୋକଙ୍କୁ ରନ୍ଧା ଖାଦ୍ୟ ବିତରଣ କରାଯିବା ସହ ଦ୍ୱିତୀୟ ପର୍ଯ୍ୟାୟରେ ଆମ୍ବୁଲାନ୍ସ ସେବା, ଅକ୍ସିଜେନ ସିଲିଣ୍ଡର ଓ କନସେଣ୍ଟେଟେଟର ମେସିନ, ଔଷଧ ବିତରଣ କରାଯାଇଥିଲା।ଏହି ଫିଜିଓ ଥେରାପି ଶିବିର ଆସନ୍ତା 25 ଡ଼ିସେମ୍ବରରୁ କଟକ ଶ୍ୟାମ ବାବା ମନ୍ଦିର ଆଲାମ ଚନ୍ଦ୍ର ବଜ଼ାର, ବାଲୁ ବଜ଼ାର ଠାରେ ଆରମ୍ଭ ହେବ ବୋଲି ଉତ୍କଳ ପ୍ରଦେଶକ ମାରୱାଡି ସମ୍ମିଳନୀ କଟକ ଶାଖା ଅଧ୍ୟକ୍ଷ ଶ୍ରୀ ସୁରେଶ କମାନୀ ଜଣାଇଛନ୍ତି|
