-
ଶାଢ଼ୀରେ ଲାଗିଲା ନିଆଁ, ବୃଦ୍ଧା ଗୁରୁତର
ଦେବଗଡ଼, ଦେବଗଡ଼ ଜିଲ୍ଲା ବାରକୋଟ ବ୍ଲକ ଅନ୍ତର୍ଗତ ବିଜୟ ନଗର ଗ୍ରାମରେ ନିଆଁ ପୁଇଁ ହେଉଥିବା ବେଳେ ଘଟିଛି ଅଘଟଣ । ଶାଢ଼ୀରେ ନିଆଁ ଲାଗି ପୋଡିଯାଇ ଜଣେ ବୃଦ୍ଧା ଗୁରୁତର ହୋଇଛନ୍ତି ।
ଗତକାଲି ବିଳମ୍ବିତ ରାତିରେ ଗ୍ରାମର ଜଣେ ୭୫ ବର୍ଷିୟା ବୃଦ୍ଧା ସୂର୍ଯ୍ୟା ସାହୁ ଶୀତରୁ ରକ୍ଷା ପାଇବା ପାଇଁ ଘରେ ନିଆଁ ପୁଇଁ ହେଉଥିବା ବେଳେ ଅସାବଧାନତାବଶତଃ ତାଙ୍କ ଶାଢ଼ୀରେ ନିଆଁ ଲାଗି ଯାଇଥିଲା । ତାଙ୍କ ଚିତ୍କାର ଶୁଣି ପରିବାର ଲୋକେ ସେଠାରେ ପହଂଚି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ । ତାଙ୍କୁ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ବୃଦ୍ଧାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ତାଙ୍କ ଶରୀରର ପ୍ରାୟ ୬୦ ଭାଗ ପୋଡି ଯାଇଛି ।
