କୈଳାଶ ଚନ୍ଦ୍ର ପଣ୍ଡା,ପୁରୀ
ମାର୍ଗଶୀର ମାସ ଶୁକ୍ଳ ପକ୍ଷ ପଞ୍ଚମୀ ଠାରୁ ପାଞ୍ଚଦିନ ବ୍ୟାପୀ କୁମ୍ଭକାରମାନଙ୍କ କୁରାଳପଞ୍ଚମୀ ପର୍ବ ପାଳନ ପରେ ଆସନ୍ତା ୨୨ ତାରିଖ ବୁଧବାର ଦିନ କୁମ୍ଭକାର ନିଯୋଗ ପକ୍ଷରୁ ବାର୍ଷିକ ମୃତ୍ତିକା ଅନୁକୂଳ ଯୋଗ ନିର୍ଘଣ୍ଟ କରାଯାଇଛି ।
ରବିବାର ସଂଧ୍ୟାରେ କୁମ୍ଭକାର ନିଯୋଗର ଏକ ସାଧାରଣ ସଭା ଅନୁଷ୍ଠିତ ହୋଇ ଜ୍ୟୋତିର୍ବିଦ୍ ବାମଦେବ ନାୟକଙ୍କ ଦ୍ବାରା ଶୁଭ ଅନୁକୂଳ ଯୋଗ ନିର୍ଘଣ୍ଟ କରାଯାଇଥିଲା । ଆସନ୍ତା ୨୨ ତାରିଖ ପୌଷ କୃଷ୍ଣପକ୍ଷ ତୃତୀୟା ବୁଧବାର ଦିନ ପୁଷ୍ୟ ନକ୍ଷତ୍ର କର୍କଟ ଚନ୍ଦ୍ର ଯୋଗରେ ଅମୃତବେଳା ସକାଳ ୭ଟା ୫୮ମିନିଟରୁ ୮ଟା ୪୬ମିନିଟ୍ ମଧ୍ୟରେ ବାଣିଜ୍ୟକରଣ, ମୃତ୍ତିକ ଶୁଭଅନୁକୂଳ ଯୋଗ ନିଦ୍ଧାରଣ କରାଯାଇଛି । ନିର୍ଦ୍ଧାରିତ ସମୟରେ ଶ୍ରୀକ୍ଷେତ୍ରରେ ବସବାସ କରୁଥିବା କୁମ୍ଭକାରମାନେ ଏକକାଳୀନ ସୁରସେନ ବା କୁରାଳଚକ୍ର ପୂଜାର୍ଚ୍ଚନା ପୂର୍ବକ ମାଟି ଅନୁକୂଳ କରିବା ପାଇଁ କୁମ୍ଭକାର ନିଯୋଗର ସମ୍ପାଦକ ମହେନ୍ଦ୍ରଙ୍କ ପକ୍ଷରୁ ଜଣାଇ ଦିଆଯାଇଛି ।
