ସେଣ୍ଟ ଜନ୍ ଆମ୍ବୁଲାନ୍ସ ଜଗନ୍ନାଥ ଧାମ ପୁରୀ ର ଯୁଗ୍ମ ସଂପାଦକ ଭାବେ ଦାୟିତ୍ବ ଗ୍ରହଣ କରିଛନ୍ତି ବିଶିଷ୍ଟ ଯୁବ ସମାଜସେବା ତଥା ସଂଗଠକ ମଧୁସୂଦନ ମିଶ୍ର। ଓଡ଼ିଆ ଶାଖାର ଏହି ନିର୍ଦ୍ଦେଶ ପରେ ଆସନ୍ତା ୧୨ଜାନୁଆରୀ , ଜାତୀୟ ଯୁବ ଦିବସରେ ପୁରୀରେ ଏକ ମେଗା ରକ୍ତଦାନ ଶିବିର କରାଯିବାସହ ଖୁବଶିଘ୍ର ଏକ ତାଲିମ ଶିବିର ଆୟୋଜନ କରାଯାଇ ଜିଲ୍ଲା ର ସମସ୍ତ ପ୍ରାକୃତିକ ବିପର୍ଯ୍ୟୟ ରେ ସେଣ୍ଟ ଜନ୍ ଆମ୍ବୁଲାନ୍ସ ଠିଆ ହେବ ବୋଲି କହିଛନ୍ତି ମଧୁସୂଦନ ମିଶ୍ର। ଆଜି ଜଗନ୍ନାଥ ଧାମ ପୁରୀ ଶାଖାର ଏହି କାର୍ଯ୍ୟକ୍ରମ ସଂପର୍କରେ ଯୁଗ୍ମ ସଂପାଦକ ଶ୍ରୀମିଶ୍ର, ଆମ୍ବୁଲାନ୍ସ ସେବାରେ ରାଜ୍ୟ ସଭାପତି , ରାଜ୍ୟପାଳ ପ୍ରଫେସର ଗଣେଶୀଲାଲ ଙ୍କୁ ପୁରୀ ଠାରେ ଭେଟି ଜଣାଇବା ସହ ମାନ୍ୟବର ଙ୍କୁ ଏହି ମେଗା ଶିଵିର ଉଦଘାଟନ ପାଇଁ ନିମନ୍ତ୍ରଣ ପ୍ରଦାନ କରିଛନ୍ତି। ମଧୁସୂଦନ ମିଶ୍ର ଙ୍କ ଏହି ନିଯୁକ୍ତି କୁ ଆମ୍ବୁଲାନ୍ସ ର କମାଣ୍ଡର ଲାଲା ଅନନ୍ତ ସିଂ,ଓଡ଼ିଶା ଯୁବ ଚେତନା ସଂଗଠନ ରାଜ୍ୟ ସଭାପତି ବଦ୍ରି ମିଶ୍ର, ନିର୍ମାଲ୍ୟ ସଂପାଦକ ବିଶ୍ଵନାଥ ମିଶ୍ର, ପୁସ୍ତକ ମେଳା ସଂପାଦକ ଚକ୍ରଧର ମହାପାତ୍ର,ଭକ୍ତି ନିର୍ମାଲ୍ୟ ସଂପାଦକ ରାଜେନ୍ଦ୍ର ମିଶ୍ର, ପରିବେଶବିତ ଭାସ୍କର ପୂଜାରୀ,ଅଭିନନ୍ଦନିକା ସଂପାଦକ ଶ୍ୟାମ ପ୍ରକାଶ ସେନାପତି, ସମର୍ପଣ ସଂପାଦିକା ଜୟନ୍ତୀ ମହାପାତ୍ର,ଲୋକମେଳା ସଂପାଦକ ରାଜେଶ ମହାନ୍ତି ପ୍ରମୁଖ ସ୍ବାଗତ କରିଛନ୍ତି। ପୁରୀ ଜିଲ୍ଲା ରେଡ଼କ୍ରସ ଏକପ୍ରକାର ଅଚଳ ହୋଇ ପଡିଥିବା ବେଳେ ଜିଲ୍ଲାବାସୀଙ୍କ ସେବାପାଇଁ ସେଣ୍ଟ ଜନ୍ ଆମ୍ବୁଲାନ୍ସ ସେବା ର ପ୍ରତୀକ ଭାବେ କାମ କରିବ ବୋଲି କୁହାଯାଇଛି।
