ପଟ୍ଟାମୁଣ୍ଡାଇ, ଓଡ଼ିଶା ରାଜ୍ୟ ଭାରତ ସ୍କାଉଟ ଓ ଗାଇଡ଼ର ଭୁବନେଶ୍ୱର ସ୍ଥିତ ମୁଖ୍ୟ କାର୍ଯ୍ୟାଳୟରେ ଅୟୋଜିତ ରାଜ୍ୟସ୍ତରୀୟ ନୃତ୍ୟ ଉତ୍ସବରେ କେନ୍ଦ୍ରାପଡ଼ା ପ୍ରଥମ ସ୍ଥାନ ଅଧିକାର କରିଛି । ଜିଲ୍ଲା ତରଫରୁ ପ୍ରତିନିଧିତ୍ୱ କରୁଥିବା ଜଗନ୍ନାଥ ବିଦ୍ୟାପୀଠ, ଚଉଦକୁଲାଟର ଗାଇଡ଼ ମାନଙ୍କ ଚିତାକର୍ଷକ ନୃତ୍ୟ ସମସ୍ତଙ୍କୁ ବିମୁଗ୍ଧ କରିଥିଲା । ରାଜ୍ୟ ମୁଖ୍ୟ କମିଶନର ଡ଼. କାଳୀପ୍ରସାଦ ମିଶ୍ରଙ୍କ ପୌରୋହିତ୍ୟରେ ଆୟୋଜିତ ଏହି ବର୍ଣ୍ଣାଢ୍ୟ ଉତ୍ସବରେ ଓଡ଼ିଶା ରାଜ୍ୟ ସ୍କାଉଟ ଓ ଗାଇଡ଼ର ଉପସଭାପତି ବିଧାୟକ ସୁଶାନ୍ତ କୁମାର ରାଉତ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ମହିଳା କମିଶନ ଅଧ୍ୟକ୍ଷା ମିନତି ବେହେରା, ସଂସ୍କୃତି ବିଭାଗ ନିର୍ଦେଶକ ତଥା ଓଡ଼ିଆ ଭାଷା ସାହିତ୍ୟର ଅତିରିକ୍ତ ଶାସନ ସଚିବ ରଞ୍ଜନ ଦାଶ ପ୍ରମୁଖ ଯୋଗ ଦେଇଥିଲେ । କେନ୍ଦ୍ରାପଡ଼ା ଜିଲ୍ଲା ତରଫରୁ ସ୍କାଉଟ ମାଷ୍ଟର ସରୋଜକାନ୍ତ ବିଶ୍ୱାଳ ଏବଂ ଗାଇଡ଼ କ୍ୟାପଟେନ ରାଜଲକ୍ଷ୍ମୀ ମହାରଣା ପୁରସ୍କାର ଗ୍ରହଣ କରିଥିଲେ । କ୍ୟାଡେଟ ମାନଙ୍କର ଏହି ସଫଳତାକୁ ନେଇ ସ୍ଥାନୀୟ ଅଞ୍ଚଳରେ ଖୁସିର ଲହରି ଖେଳିଯାଇଛି ।
