ମାଲକାନଗିରି, ମାଲକାନଗିରି ଜିଲା ଏମ୍.ଭି. ୭୯ ସରକାରୀ ( ଏସ୍.ଏସ୍.ଡି ) ଉଚ୍ଚ ମାଧ୍ୟମିକ ବିଦ୍ୟାଳୟରେ ସଙ୍କୁଳସ୍ତରୀୟ ଯୁବ ରେଡକ୍ରସ ପ୍ରଶିକ୍ଷଣ ଶିବର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ରୂପେ ରେଡକ୍ରସ ସମ୍ପାଦକ ଆବାହକ ଡଃ. ରଞ୍ଜନ କୁମାର ସ୍ୱାଇଁ, ସମ୍ମାନିତ ଅତିଥି ରୂପେ ଏମ୍.ଭି.୭୯ ଡିଗ୍ରୀ ମହାବିଦ୍ୟାଳୟ ଅଧ୍ୟକ୍ଷା ପ୍ରଭାସିନି ମହାପାତ୍ର ଏବଂ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନଶିକ୍ଷକ ନାରାୟଣ ସାହୁ ସଭାପତି ଭାବେ ଯୋଗ ଦେଇଥିଲେ । ଯୁବ ରେଡକ୍ରସ ପରାମର୍ଶଦାତା ଅଲୋକ କୁମାର ନନ୍ଦ ଏବଂ ୮ଟି ମହାବିଦ୍ୟାଳୟର ସମସ୍ତ ପରାମର୍ଶଦାତା ଉପସ୍ଥିତ ଥିଲେ । ଯୁବ ରେଡକ୍ରସର ଇତିହାସ ଏବଂ ସ୍ଵେଚ୍ଛାସେବୀଙ୍କ କର୍ତ୍ତବ୍ୟ ବିଷୟରେ ପ୍ରଶିକ୍ଷକ ରଞ୍ଜନ କୁମାର ସ୍ବାଇଁ ଏବଂ ଫାଷ୍ଟଏଡ ବିଷୟରେ ପ୍ରଶିକ୍ଷକ ଅଲୋକ କୁମାର ନନ୍ଦ ବକ୍ତବ୍ୟ ରଖିଥିଲେ । ପରିଶେଷରେ ଅନୁଷ୍ଠାନର ଯୁବ ପରାମର୍ଶଦାତା ଆଲୋକ କୁମାର ନନ୍ଦ ଧନ୍ୟବାଦ ଅର୍ପଣ କରିଥିଲେ ।
ଅନ୍ୟମାନଙ୍କ ମଧ୍ୟରେ ପ୍ରଫୁଲ୍ଲ କୁମାର ବିଶ୍ୱାଳ, ତାରିଣୀ ଚରଣ ମହାନ୍ତି, ପୂର୍ଣ୍ଣଚନ୍ଦ୍ର ମହାପାତ୍ର , ପ୍ରସନ୍ନଜିତ୍ ସୁବର୍ଣ୍ଣକାର, ସୁଜଲ ପାଲ ପ୍ରମୁଖ ଉପସ୍ଥିତ ଥିଲେ ।
