ବାରିପଦା, ଠାକୁରମୁଣ୍ଡା ରେଞ୍ଜ ଅନ୍ତର୍ଗତ ଅରିଓମ୍ ଗ୍ରାମରେ ପଶି ୩ଟି ଘର ଭାଙ୍ଗିବା ସହ ଘରେ ଗଚ୍ଛିତ ଥିବା ଧାନ ଚାଉଳ ଖାଇଯାଇଛନ୍ତି ହାତୀପଲ । ଏଠାରେ ଉଲ୍ଲେଖଯୋଗ୍ୟ, କରଞ୍ଜିଆ ବନଖଣ୍ଡ ଅନ୍ତର୍ଗତ ଠାକୁରମୁଣ୍ଡା ରେଞ୍ଜ୍ ଅଂଚଳରେ ଏହି ହାତୀପଲ ପ୍ରାୟ ମାସେରୁ ଉର୍ଦ୍ଧ୍ୱ ସମୟ ଧରି ଉତ୍ପାତ ମଚାଇଛନ୍ତି । ଘର ଭାଙ୍ଗିବା ସହ ଧାନ ଚାଉଳ ଓ ଅନ୍ୟାନ୍ୟ ଖାଦ୍ୟଶସ୍ୟ ଖାଇବା ସାଙ୍ଗକୁ ଦଳିଚକଟି ବ୍ୟାପକ ଫସଲ ନଷ୍ଟ କରୁଛନ୍ତି । ଏହି ହାତୀ ପଲରେ ଛୋଟ ବଡ ହୋଇ ୨୬ ଟି ହାତୀ ରହିଛନ୍ତି । ଏହି ହାତୀ ପଲ ଏବେ ଶିମିଳିପାଳ ଫେରିବା ଆରମ୍ଭ କରିଛନ୍ତି । ଏହି ସମୟରେ ଗତକାଲି ରାତିରେ ଅରିଓମ୍ ଗ୍ରାମରେ ପଶି ୩ଟି ଘର ଭାଙ୍ଗିବା ସହ ଧାନ ଚାଉଳ ଖାଇଯାଇଛନ୍ତି । ଯାହାକୁ ନେଇ ସାଧାରଣରେ ଅସନ୍ତୋଷ ଦେଖାଦେଇଛି ।
