କୋରାଇ – କୋରାଇ ଥାନା ଅନ୍ତର୍ଗତ ଗୌରପୁର ପଂଚାୟତର ଜଳନ୍ଦା ଗ୍ରାମରେ ଅଧିକ ଯୌତୁକ ପାଇଁ ମହିଳାଙ୍କୁ ନିର୍ଯ୍ୟାତନା ଦେବା ସହ ଜୀବନରୁ ମାରଦେବାକୁ ନିଆଁ ଲଗାଇ ଦେବା ଭଳି ସଙ୍ଗୀନ ଅଭିଯୋଗରେ ପୁଲିସ ତାର ସ୍ୱାମୀ ଓ ଶାଶୁକୁ ଗିରଫ କରି ମାମଲା ୨୩୭/୧୯ ଦଫା ୪୯୮(ଏ), ୩୨୩, ୩୨୬, ୩୦୭, ୩୪ ଆଇପିସି, ୪ଡିପି ଆକ୍ଟରେ କୋର୍ଟ ଚାଲାଣ କରିଛି । ପ୍ରକାଶଯେ ଭଦ୍ରକ ଜିଲ୍ଲା ଭଣ୍ଡାରୀ ପୋଖରୀ ଥାନା ଅନ୍ତର୍ଗତ ଦକ୍ଷିଣ ବାଡ ଗ୍ରାମର ବିଳାସ ଦାସଙ୍କ ଅଭିଯୋଗ ମୁତାବକ ତାଙ୍କ ଝିଅ ଲିପ୍ସିତାକୁ ଜଳନ୍ଦା ଗ୍ରାମର ସତୃଘନ ସାହୁଙ୍କ ପୁଅ ସୁରେଶ ସାହୁଙ୍କୁ ବିବାହ ଦେଇଥିଲେ । ଗତ ୨୩ ତାରିଖ ଲିପ୍ସିତାକୁ ତାର ଶାଶୁ ଗର ଲୋକେ ଅଧିକ ଯୌତୁକ ପାଇଁ ନିଆଁ ଲଗାଇଦେଇଥିଲେ । ଫଳରେ ତାକୁ ଯାଜପୁର ମୁଖ୍ୟ ଚିକିଓôାଳୟରେ ଭର୍ତି କରିବା ସହ ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ସେଠାରେ ସେ ମୃତ୍ୟୁ ସହ ସଂଗ୍ରାମ କରୁଛି । ଅଭିଯୋଗ ପରେ ପୁଲିସ ମାମଲା ରୁଜ୍ଜୁ କରି କରି ସ୍ୱାମୀ ସୁରେଶ(୪୦) ଓ ଶାଶୁ ଚଂଚଳା(୬୦)କୁ ଗିରଫ କରି ଆଜି କୋର୍ଟ ଚାଲାଣ କରିଛି ।
