ଗଞ୍ଜାମ, ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ସାନ ଉସ୍ତାପଡା ପଚାଂୟତର କିରାଖାଇ ନିକଟସ୍ଥ ଜଗତା ନଦୀରେ ଭାସିଯାଇ ଗତକାଲି ଠାରୁ ନିଖୋଜ ଥିବା ଦଶମ ଶ୍ରେଣୀ ଛାତ୍ର ଆକାଶ ନାହାକଙ୍କ ମୃତଦେହ ଆଜି ଉଦ୍ଧାର ହୋଇଛି ।
ରାଣୀପଡ଼ା ହରିଜନ ସାହିର ଟୁଟୁ ନାହାକଙ୍କ ୧୫ ବର୍ଷୀୟ ପୁଅ ଆକାଶ ଗତକାଲି ଦୁଇ ସାଙ୍ଗଙ୍କ ସହ ନଦୀରେ ଗାଧୋଉଥିବା ବେଳେ ନଦୀର ପ୍ରଖର ସୁଅରେ ଭାସିଯାଇ ନିଖୋଜ ଥିଲେ । ଦମକଳ ବାହିନୀ ଗତକାଲି ଖୋଜାଖୋଜି କରି ନିରାଶ ହୋଇ ଫେରିଥିବା ବେଳେ ଆଜି ସକାଳୁ ଆନିକଟ୍ ନିକଟରେ ତାଙ୍କର ମୃତଦେହ ଭାସୁଥିବା ଦେଖିବାକୁ ମିଳିଥିଲା । ପରେ ଗ୍ରାମବାସୀଙ୍କ ସହାୟତାରେ ପୋଲିସ ଶବକୁ ଉଦ୍ଧାର କରିଛି । ଶବ ଜବତ ପରେ ଏହାକୁ ବ୍ୟବଚ୍ଛେଦ ନିମନ୍ତେ ପଠାଯାଇଛି । କୋଦଳା ଥାନା ପକ୍ଷରୁ ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି ।
