ନୂଆପଡା,ନୂଆପଡା ଜିଲ୍ଲା ଖଡିଆଳ ସ୍ଥିତ ମଡେଲ ଡିଗ୍ରୀ କଲେଜ ପରିସରରେ କୋଭିଡ ସଚେତନତା ସହିତ ସାବ ସଂଗ୍ରହ ପରୀକ୍ଷା ଗତ ୨ ତାରିଖ ଠାରୁ ୩ ଦିନ ବ୍ୟାପୀ ଅନୁଷ୍ଠିତ ହୋଇଯାଇଛି । ଖଡିଆଳ ଅଂଚଳରେ କୋଭିତ ଦାୟୀତ୍ବରେ ଥିବା ଡ଼ା. ଆଦିତ୍ୟ କୁମାର ଯୋଷୀଙ୍କ ନେତୃତ୍ବରେ ସ୍ଵାବ ଟେକନିସିଆନ ଅଜିତ କୁମାର ମାଝୀ , କୋଭିଡ ଡିଇଓ ମୁକେଶ କାଣ୍ଡ କାର୍ଯ୍ୟ ତୁଲାଇଥିଲେ । ମହାବିଦ୍ୟାଳୟର ଅଧ୍ୟକ୍ଷ ଡ଼. ଅକ୍ଷୟ କୁମାର ସାହୁଙ୍କ ପ୍ରତ୍ୟେକ୍ଷ ସହଯୋଗରେ ଉକ୍ତ କାର୍ଯ୍ୟକ୍ରମ ସଫଳ ହୋଇଥିଲା । ୨ ତାରିଖ ପ୍ରଥମ ଦିନରେ ୧୦୭ ଜଣ , ଦ୍ଵିତୀୟ ଦିନରେ ୧୪୫ ଓ ତୃତୀୟ ଦିନରେ ୭୦ ଜଣ ଛାତ୍ରଛାତ୍ରୀ ଅଧ୍ୟାପକ ଅଧ୍ୟାପିକାଙ୍କ ସ୍ୱାବ ପରୀକ୍ଷା କରାଯାଇଥିଲା । ୩ ଦିନରେ ମୋଟ ୩୨୨ ଜଣଙ୍କର ସ୍ୱାବ ଟେଷ୍ଟ କରାଯାଇଥିବା ବେଳେ ସମସ୍ତଙ୍କର ନେଗେଟିଭ ରିପୋର୍ଟ ଆସିଥିବା ଜଣାପଡିଛି । ପରେ ମହାବିଦ୍ୟାଳୟକୁ ସେନିଟାଇଜ କରାଯିବା ସହିତ ସମସ୍ତଙ୍କୁ ମାସ୍କ ପରିଧାନ ଉପରେ ସଚେତନ କରାଯାଇଥିଲା ।
