-
ବ୍ୟବସାୟୀ ଓ ଦୋକାନ କର୍ମଚାରୀ ଗୁରୁତର
ଧର୍ମଶାଳା, ଗତକାଲି ରାତିରେ କୁଆଖିଆ ଥାନା ଅଂଚଳରେ ସୁନା ବ୍ୟବସାୟୀଙ୍କୁ ଗୁଳି ମାଡ କରି ଦୁର୍ବୃତ ଫେରାର୍ ହୋଇଯାଇଥିବା ଜଣାପଡିଛି । ଏହି ଗୁଳିମାଡରେ ଅଳଙ୍କାର ବ୍ୟବସାୟୀ ଓ ତାଙ୍କ ଦୋକାନ କର୍ମଚାରୀ ଦୁହେଁ ଗୁରୁତର ହୋଇଛନ୍ତି । ଉଭୟଙ୍କୁ ପ୍ରଥମେ ଯାଜପୁର ଜିଲା ମୁଖ୍ୟ ଚିକିତ୍ସାଳୟ ଏବଂ ପରେ ଅଧିକ ଚିକିତ୍ସା ନିମନ୍ତେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି ।
ଗତକାଲି ରାତିରେ କୁଆଖିଆ ଥାନା ଅନ୍ତର୍ଗତ ହରିପୁର ଅଂଚଳରେ ଥିବା ଏମଏସ ଜୁଏଲାରୀ ଦୋକାନର ମାଲିକ ଆଶିଷ ପାତ୍ର ଓ ତାଙ୍କ କର୍ମଚାରୀ ସୌମ୍ୟ ରଂଜନ ସାହୁ ଦୁହେଁ ଘର ନରସିଂପୁରକୁ ଯାଉଥିବା ସମୟରେ ଏକ କଳା ରଙ୍ଗର ପଲସର ବାଇକରେ ୩ ଜଣ ଦୁର୍ବୃତ ଆସି ସେମାନଙ୍କୁ ଉପରକୁ ଆତର୍କିତ ଗୁଳି କରିଥିଲେ । ହେଲେ ସେମାନଙ୍କ ନିକଟରେ ଥିବା ସୁନା ଅଳଙ୍କାରକୁ ଲୁଟି ପାରି ନ ଥିବା ଜଣାପଡିଛି । ଗୁରୁତର ଦୁହିଁକୁ ପ୍ରଥମେ ଜିଲା ମୁଖ୍ୟ ଚିକିତ୍ସାଳରେ ଭର୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଖବର ପାଇ ପୁଲିସ ଘଟଣାସ୍ଥଳରେ ପଂହଚି ଛାନଭିନ ଚଳାଇଛି । ଘଟଣାସ୍ଥଳରୁ ଏକ ମାଗାଜିନ, ଜୀବନ୍ତ ଗୁଳି ଓ ଗୋଟିଏ ଖୋକାକୁ ଜବତ କରିଛି ପୋଲିସ ।
