ନୂଆପଡ଼ା, ନୂଆପଡା ଜିଲ୍ଲା ଲଖନା ଥାନା ବିଜୁ ଏକ୍ସପ୍ରେସ ଫୋର ଲାଇନ ରାସ୍ତା ଉପରେ ମୋଟରସାଇକେଲ ଓ ବୋଲେରୋ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମୃତ ଯୁବକ ରେଙ୍ଗାବାହାଲ ଗାଁର ବୋଲି କୁହାଯାଉଛି । ଏହି ଖବର ପାଇବା ପରେ ଲଖନା ପୋଲିସ ଅଗ୍ନିଶମ ବିଭାଗ ସହାୟତାରେ ମୋଟର ସାଇକେଲ ଆରୋହିଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିବା ବେଳେ ସେଠାରେ ଡାକ୍ତର ମୋଟର ସାଇକେଲ ଆରୋହୀକୁ ମୃତ ଘୋଷଣା କରିଛନ୍ତି । ଲଖନା ପୋଲିସ ଘଟଣା ତଦନ୍ତ ଚଲାଇଛି ।
