ଗଞ୍ଜାମ – ଗତକାଲି ମଧ୍ୟାହ୍ନରେ ଖଲ୍ଲିକୋଟ ଷଣ୍ଢପୁର ଗ୍ରାମର ରୋଗୀ ଭୀମସେନ ସ୍ୱାଇଁ (୬୦)ଙ୍କୁ ଚାନ୍ଦପୁର ବସନ୍ତ ମଞ୍ଜରୀ ମେଡିକାଲରେ ଭର୍ତି କରାଯାଇଥିଲା । ତେବେ ସେଠାରେ ଡାକ୍ତରଙ୍କ ଅବହେଳାରୁ ତାଙ୍କର ମୃତ୍ୟୁ ଘଟିଥିବା ନେଇ ଭୀମସେନଙ୍କ ପତ୍ନୀ ଉଜ୍ଜଳା ସ୍ୱାଇଁ ଅଭିଯୋଗ କରିଛନ୍ତି ।
ପତ୍ନୀ ଉଜ୍ଜଳାଙ୍କ ଅଭିଯୋଗ ମୁତାବକ, ଭୀମସେନଙ୍କ ଅବସ୍ଥା ଗୁରୁତର ଥିଲା । ଡ୍ୟୁଟିରେ ଥିବା ଡାକ୍ତର ଗୋଟିଏ ଇଞ୍ଜେକସନ୍ ଦେଇ ଅକ୍ସିଜେନ ଲଗାଇ ଚାଲି ଯାଇଥିଲେ । ଯିବା ପୂର୍ବରୁ ବେହେରା ବାବୁ ଆସିଲେ ଦେଖିବେ ବୋଲି କହି ଯାଇଥିଲେ । କିନ୍ତୁ ଦୀର୍ଘ ସମୟ ଧରି ବେହେରା ବାବୁ କିମ୍ବା ଡାକ୍ତର କେହିହେଲେ ଆସିନଥିଲେ । ଫଳରେ ଉପଯୁକ୍ତ ଚିକିତ୍ସା ଅଭାବରୁ ତାଙ୍କର ମୃତ୍ୟୁ ଘଟିଥିଲା ।
ଅନ୍ୟପକ୍ଷରେ ଘଟଣାର ଅନୁଧ୍ୟାନ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଗଞ୍ଜାମ ଜିଲ୍ଲା ମୁଖ୍ୟ ଚିକିତ୍ସାଧିକାରୀ (ସିଡ଼ିଏମଓ) ।
