ଗଞ୍ଜାମ – ସୋରଡ଼ା ବ୍ଲକ ସ୍ଥିତ ଆଦର୍ଶ ବିଦ୍ୟାଳୟରେ ଶିକ୍ଷକ ଅଭାବ ଯୋଗୁଁ ଅନେକ ସମୟରେ ଛାତ୍ରଛାତ୍ରୀଙ୍କ ପାଠପଢା ବ୍ୟାହତ ହେଉଛି । ପିଲା ମାନେ ପରୀକ୍ଷା ନିମନ୍ତେ ଠିକ୍ ଭାବେ ପ୍ରସ୍ତୁତ ହୋଇପାରୁନାହାଁନ୍ତି । ଏଣୁ ତୁରନ୍ତ ଏହି ବିଦ୍ୟାଳୟରେ ପୂର୍ଣ୍ଣାଙ୍ଗ ଶିକ୍ଷକ ନିଯୁକ୍ତି ଦାବି କରି ଆଜି ସ୍ଥାନୀୟ ଜନସାଧାରଣ ଓ ଅବିଭାବକଙ୍କ ପକ୍ଷରୁ ବିଦ୍ୟାଳୟରେ ତାଲା ପକାଯିବା ସହ ସେଠାରେ ବିକ୍ଷୋଭ ପ୍ରଦର୍ଶନ କରାଯାଇଛି । ଅବିଭାବକ ମାନଙ୍କ ପକ୍ଷରୁ ଏ ସମ୍ବଳିତ ଏକ ସ୍ମାରକ ପତ୍ର ଶିକ୍ଷା ବିଭାଗର ଉଚ୍ଚ କର୍ତୃପକ୍ଷଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି ।
