ଗଞ୍ଜାମ,ବାଳିକା ଓ ଯୁବତୀ ମାନଙ୍କୁ ଆତ୍ମରକ୍ଷା କୌଶଳ ତାଲିମ୍ ଦେଇ ଜାତୀୟ ସ୍ତରରେ ପୁରସ୍କୃତ ହୋଇଛନ୍ତି ବ୍ରହ୍ମପୁର ଠାରେ ଥିବା ” ଜଗୁଆର ଏକାଡେମୀ ଅଫ ମାରସିଆଲ ଆର୍ଟ”ର ମୁଖ୍ୟ ତଥା ପ୍ରଶିକ୍ଷକ ଶ୍ରୀ ଅମ୍ବିକା ପ୍ରସାଦ ଦାଶ । ମୁମ୍ବାଇ ଠାରେ ଗତ ୨୮ ତାରିଖରେ ” ଭାରତର କୋମ୍ବାଟ ଟାକଟିକାଲ ଆସୋସିଏସନ ” ପକ୍ଷରୁ ଆୟୋଜିତ ଏକ ସମ୍ବର୍ଦ୍ଧନା ସମାବେଶରେ ଶ୍ରୀ ଦାଶଙ୍କୁ ଶ୍ରେଷ୍ଠ ଆତ୍ମରକ୍ଷା ପ୍ରଶିକ୍ଷକ ଜାତୀୟ ଆୱାର୍ଡ ପ୍ରଦାନ ସହ ମାନପତ୍ର, ଟ୍ରଫି ଦେଇ ସମ୍ବର୍ଦ୍ଧିତ କରାଯାଇଛି ।
ଶ୍ରୀ ଦାଶ ” ମିଶନ ଲକ୍ଷ୍ୟ ” ନାମରେ ସମ୍ପୂର୍ଣ୍ଣ ମାଗଣା ଆତ୍ମରକ୍ଷା ତାଲିମ୍ ଅଭିଯାନ କରି ଓଡିଶାରେ ଏକ ବର୍ଷ ମଧ୍ୟରେ ୧୨ ଶହ ବାଳିକାଙ୍କୁ ପ୍ରଶିକ୍ଷଣ ଦେଇଥିଲେ । ଗତ ୨୦୧୯ ବର୍ଷରେ ଶ୍ରୀ ଦାଶ ନିଜସ୍ୱ ସମସ୍ତ ଖର୍ଚ୍ଚରେ ରାଜ୍ୟର ବିଭିନ୍ନ ସ୍ଥାନରେ ମୋଟ୍ ୧୨ ଶହ ବାଳିକାଙ୍କୁ ମାଗଣାରେ ଏହି ଆତ୍ମରକ୍ଷା ତାଲିମ୍ ଦେଇଥିଲେ ।
