ବାରିପଦା ପିଏ ଆଇଟିଡିଏ କାର୍ଯ୍ୟାଳୟର କନିଷ୍ଠ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢ଼ଉ

• ଏକକାଳୀନ ୧୨ଟି ସ୍ଥାନରେ ଚଢ଼ଉ

ବାରିପଦା,ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ବାରିପଦା ପିଏ ଆଇଟିଡିଏ କାର୍ଯ୍ୟାଳୟର କନିଷ୍ଠ ଯନ୍ତ୍ରୀ ସନ୍ତୋଷ ଦାସଙ୍କ କାର୍ଯ୍ୟାଳୟ, ବାରିପଦା ସ୍ଥିତ ଭଡ଼ା ଘର, ବାଲେଶ୍ୱର ଜିଲ୍ଲା ବାଲିଆପାଳସ୍ଥିତ ପୈତୃକ ଘର, ବାଲେଶ୍ୱର ଓ ଭୁବନେଶ୍ୱର ସ୍ଥିତ ଘର, ଶ୍ୱଶୁର ଘର ଏବଂ ସମ୍ପର୍କୀୟଙ୍କ ଘର ସମେତ ମୋଟ୍ ୧୨ ଟି ସ୍ଥାନରେ ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ଉ କରାଯାଇଛି । ଭୁବନେଶ୍ୱର ଭିଜିଲାନ୍ସ ଟିମ୍ ପକ୍ଷରୁ ଏହି ଚଢ଼ଉ ଜାରି ରହିଥିବାବେଳେ ବାରିପଦା ଭିଜିଲାନ୍ସ ୟୁନିଟ ସହ ଅନ୍ୟ ଜିଲ୍ଲାର ୟୁନିଟ ଗୁଡିକ ଏଥିରେ ସହାୟତା କରିଛନ୍ତି । ଚଢ଼ଉ ଜାରୀ ରହିଥିବାରୁ ଏନେଇ ସବିଶେଷ ତଥ୍ୟ ମିଳିପାରିନାହିଁ ।