-
ଅଜଣା ଗାଡି ଧକ୍କାରେ ବୋଲେରୋ ଭାଙ୍ଗି ଚୁରମାର୍
ବଲାଙ୍ଗିର, ବଲାଙ୍ଗିର-ସୋନପୁର ୫୭ ନମ୍ବର ଜାତୀୟ ରାଜପଥର ରଣ୍ଡା ନିକଟରେ ଆଜି ଭୋର୍ ସାଢ଼େ ଚାରିଟା ବେଳେ ଘଟିଯାଇଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଭୋର୍ ସମୟରେ ଘନ କୁହୁଡ଼ି ଯୋଗୁଁ ଅଜଣା ଗାଡି ଧକ୍କା ଦେଇଛି ଏକ ବୋଲେରୋକୁ । ଏହି ଦୁର୍ଘଟଣାରେ ବୋଲେରୋ ଭାଙ୍ଗି ଚୁରମାର୍ ହୋଇଯାଇଥିବା ବେଳେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଛି । ହସ୍ପିଟାଲରେ ଜଣଙ୍କୁ ମିଶାଇ ଦୁର୍ଘଟଣାରେ ମୃତ୍ୟୁ ସଂଖ୍ୟା ୩କୁ ବୃଦ୍ଧି ପାଇଛି । ଗୁରୁତର ଆହତ ଅବସ୍ଥାରେ ୫ ଜଣଙ୍କୁ ଭୀମଭୋଇ ମେଡିକାଲ୍ କଲେଜ ହସ୍ପିଟାଲରେ ଭର୍ତି କରାଯାଇଥିଲା । ପରେ ଅବସ୍ଥା ସଙ୍କଟାପନ୍ନ ହୋଇପଡିବାରୁ ଅନ୍ୟ ଜଣଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଛି ।
ମୃତାହତ ମାନେ ସମସ୍ତେ ବଲାଙ୍ଗିର ବ୍ଲକର ବିଭିନ୍ନ ଗ୍ରାମର । ଏମାନେ ସାଙ୍ଗ ହୋଇ ସୁନ୍ଦରଗଡ଼ ଖଣ୍ଡାଧାର ଜଳପ୍ରପାତକୁ ଭୋଜି କରିବା ପାଇଁ ଯାଇଥିଲେ । ଗତ ରାତିରେ ସେମାନେ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି ।
