-
ସୁବର୍ଣ୍ଣପୁର ଉପଜିଲ୍ଲାପାଳ କାର୍ଯ୍ୟାଳୟର ମୁଖ୍ୟ କିରାଣୀଙ୍କ ଘରେ ଭିଜିଲାନ୍ସ ଚଢ଼ଉ
ବଲାଙ୍ଗିର, ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ବଲାଙ୍ଗିର ଶାନ୍ତିପଡ଼ାରେ ରହୁଥିବା ସୁବର୍ଣ୍ଣପୁର ଉପଜିଲ୍ଲାପାଳ କାର୍ଯ୍ୟାଳୟର ମୁଖ୍ୟ କିରାଣୀ ରମେଶ ପ୍ରସାଦ ନାଗଙ୍କ ବାସଭବନ ସମେତ ତାଳପାଳି ପଡ଼ାସ୍ଥିତ ପୈତୃକ ଘର ଓ ସୁବର୍ଣ୍ଣପୁର ସ୍ଥିତ କାର୍ଯ୍ୟାଳୟରେ ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ଉ କରାଯାଇଛି । ଆଜି ସକାଳ ଠାରୁ ଏହି ଚଢ଼ଉ ଆରମ୍ଭ ହୋଇଛି । ଚଢ଼ଉ ବେଳେ ତାଙ୍କର ବ୍ୟାଙ୍କ ପାସବୁକ୍, ଜମି କାଗଜପତ୍ର, ଲକର ଚାବି ମିଳିଥିବା ବେଳେ ସମସ୍ତ ସ୍ଥାବର ଓ ଅସ୍ଥାବର ସମ୍ପତିର ଆକଳନ ଚାଲିଛି । ଚଢ଼ଉ ଜାରୀ ରହିଥିବାରୁ ଏନେଇ ସବିଶେଷ ତଥ୍ୟ ମିଳିପାରିନାହିଁ ।
ଏଠାରେ ଉଲ୍ଲେଖଯୋଗ୍ୟ, ମୁଖ୍ୟ କିରାଣୀ ଶ୍ରୀ ନାଗ ପୂର୍ବରୁ ଉଲୁଣ୍ଡା ବ୍ଲକରେ ବରିଷ୍ଠ କିରାଣୀ ଥିବା ବେଳେ ନିକଟରେ ପଦନ୍ନୋତି ପାଇ ସୁବର୍ଣ୍ଣପୁର ଉପଜିଲ୍ଲାପାଳ ଅଫିସ ର ମୁଖ୍ୟ କିରାଣୀ ଭାବେ କାର୍ଯ୍ୟରତ ଅଛନ୍ତି ।
