ବଲାଙ୍ଗିର, ଆନ୍ଧ୍ରପ୍ରଦେଶ ଚାଲାଣ ବେଳେ ୧୨ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଛି ଖପ୍ରାଖୋଲ ଥାନା ପୋଲିସ । ଆଜି ସକାଳ ସାଢ଼େ ୯ଟା ସମୟରେ ଏମାନଙ୍କୁ କଂସାପଡ଼ା ନିକଟରୁ ଉଦ୍ଧାର କରିଛି ପୋଲିସ । ଘଟଣାରେ ଜଣେ ଦଲାଲ୍ କୁ ଗିରଫ କରିଛି ପୋଲିସ । ତାର ନାମ ରମେଶ ବାଗ ଏବଂ ଘର କଂସାପଡା ଅଂଚଳରେ ବୋଲି ଜଣାପଡିଛି । ଉଦ୍ଧାର ୧୨ ଦାଦନ ଶ୍ରମିକଙ୍କ ମଧ୍ୟରେ ୫ ଜଣ ନାବାଳକ, ୩ ଜଣ ମହିଳା ଓ ୪ ଜଣ ପୁରୁଷ ରହିଛନ୍ତି । ଖପ୍ରାଖୋଲ ଥାନା ପକ୍ଷରୁ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ ହୋଇଛି ।
