ଭୁବନେଶ୍ୱର – ବିଜୁ ଜନତା ଦଳ ସେବାରେ ବିଶ୍ୱାସ କରେ । ଓଡିଶାବାସୀଙ୍କ ପାଇଁ ସଂଗ୍ରାମରେ ବିଶ୍ୱାସ କରେ । ବାପୁଜୀ ଓ ବିଜୁ ବାବୁଙ୍କ ଆଦର୍ଶରେ ବିଶ୍ୱାସ କରେ ।ବିଜୁ ବାବୁ ଥିଲେ ଗରିବ ଲୋକଙ୍କର ଶ୍ରେÂ ବନ୍ଧୁ । ସେମାନଙ୍କ ଅସୁବିଧା ସମୟରେ ବିଜୁ ବାବୁ ହିଁ ଆଗ ପହଂଚୁଥିଲେ ବୋଲି ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।
ବୁଧବାର ଦିନ ଭୁବନେଶ୍ୱର ମଧ୍ୟ ନିର୍ବାଚନ ମଣ୍ଡଳୀର ୱାର୍ଡ ନଂ ୩୪ ଅନ୍ତର୍ଗତ ସତ୍ୟନଗର ତୋଷାଳୀ ପ୍ଲାଜା ପଡିଆରେ ଅନୁÂିତ ବିଜେଡି ଜନ ସମ୍ପର୍କ ପଦଯାତ୍ରା କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ କହିଛନ୍ତି ଯେ ଓଡିଶାବାସୀଙ୍କ ଆଶୀର୍ବାଦ ଓ କର୍ମୀ ଭାଇ ଓ ଭଉଣୀମାନଙ୍କ ପରିଶ୍ରମ ଯୋଗୁଁ ବିଜୁ ଜନତା ଦଳ ପୁଣି ଥରେ ଲୋକଙ୍କ ସେବାର ସୁଯୋଗ ପାଇଛି । ଓଡିଶାବାସୀଙ୍କ ଏହି ଭଲ ପାଇବା ମୋତେ ଋଣୀ କରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ସେ ଆହୁରି କହିଛନ୍ତି ଯେ ନିକଟରେ ଘୋଷଣା କରାଯାଇଥିବା ଓଡିଶା – ମୋ ପରିବାର କାର୍ଯ୍ୟକ୍ରମରେ ବନୀକରଣ , ରକ୍ତଦାନ ସହ ଅନାଥ ଓ ଭିନ୍ନକ୍ଷମ ପିଲାଙ୍କ ଯତ୍ନ ଓ ଓଡିଶା ବାହାରେ ରହୁଥିବା ଓଡିଆମାନଙ୍କୁ ସାହାଯ୍ୟ ଉପରେ ଗୁରୁତ୍ୱ ଦିଆଯାଇଛି । ଦଳର ସବୁ କର୍ମୀ ଏହି କାର୍ଯ୍ୟକ୍ରମରେ ସକ୍ରିୟ ଭାବେ ଅଂଶଗ୍ରହଣ କରିବା ସହ ଘରେ ଘରେ ସେବାର ବାର୍ତା ଦେବାକୁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା , ସାଂସଦ ପ୍ରସନ୍ନ ଆଚାର୍ଯ୍ୟ , ବିଧାୟକ ପ୍ରଦୀପ ପାଣିଗ୍ରାହୀ , ପ୍ରମିଳା ମଲ୍ଲିକ , ଅନନ୍ତ ନାରାୟଣ ଜେନାଙ୍କ ସମେତ ବହୁ ବିଧାୟକ , ପୂର୍ବତନ ବିଧାୟକ , କର୍ପୋରେଟର ପ୍ରମୁଖ ଉପସ୍ଥିତ ଥିଲେ ।
