ବଲାଙ୍ଗିର, ସ୍ଥାନୀୟ ଅବସର ବିନୋଦନ ସାହିତ୍ୟ ସଂସଦ ପ୍ରେକ୍ଷାଳୟରେ ଜିଲ୍ଲା ହକି ସଂଘର ସାଧାରଣ ପରିଷଦ ବୈଠକ ସଭାପତି ଇଂ. ବେଲାର ସିଂହ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ସାଧାରଣ ସମ୍ପାଦିକା ଆନଦିନି ଦର୍ଜି ସୂଚନା ବିବରଣୀ ଦେଇଥିଲେ । ଖେଳର ଅଭ୍ୟାସ ବର୍ଗ ପାଇଁ ଆଲୋଚନା ହୋଇଥିଲା । ପ୍ରତି କଲେଜ ଓ ହାଇସ୍କୁଲରୁ ନୂତନ ଆଗ୍ରହୀ ଖେଳାଳି ମାନଙ୍କୁ ନେଇ ଅଭ୍ୟାସ କରାଯିବାକୁ ସ୍ଥିର କରାଯାଇଛି । ହକି କାର୍ଯ୍ୟାଳୟ କାମ ଶୀଘ୍ର ସାରିବା ପାଇଁ ବୈଠକରେ ନିଷ୍ପତ୍ତି ନିଆଯାଇଛି । କରୋନା କଟକଣା ପୂର୍ବଭଳି ନଥିବା ଯୋଗୁଁ ଆଗକୁ ବନ୍ଦ ଥିବା କାର୍ଯ୍ୟକ୍ରମ କରାଯିବାକୁ ସଭ୍ୟ ମାନେ ମତ ଦେଇଥିଲେ । ଆଗକୁ ବିଭିନ୍ନ ଟୁର୍ନାମେଣ୍ଟ ରାଜ୍ୟର ବିଭିନ୍ନ ସ୍ଥାନରେ ହେବାକୁ ଥିବାବେଳେ ଜିଲ୍ଲାର ଯୋଗଦାନ ଉପରେ ଜୋର ଦିଆଯାଇଛି ।
ଆଲୋଚନାରେ ଶତ୍ରୁଘ୍ନ ସିଂହ, ପଦ୍ମ ଲୋଚନ ଆଚାର୍ଯ୍ୟଙ୍କ, ଜୟରାମ ମିଶ୍ର, ସୁରେଶ ପରିଛା, ପ୍ରଫୁଲ୍ଲ ବେହେରା ପ୍ରମୁଖ ଅଂଶ ଗ୍ରହଣ କରିଥିଲେ। ଶେଷରେ କସ୍ତୁରୀ ରଥ ଧନ୍ୟବାଦ ଅର୍ପଣ କରିଥିଲେ ।
