କୈଳାଶ ଚନ୍ଦ୍ର ପଣ୍ଡା,ପୁରୀ
ଭାରତ ସ୍କାଉଟ ଓ ଗାଇଡ୍ ର ୭୧ ତମ ପ୍ରତିଷ୍ଠା ଦିବସ ଅବସରରେ ରେ ପୁରୀ ଜିଲ୍ଲାର ସମସ୍ତ ବିଦ୍ୟାଳୟରେ ଏହା ପାଳନ କରାଯିଵା ସହ ପୁରୀ ସହରର ବିଭିନ୍ନ ବିଦ୍ୟାଳୟର ସ୍କାଉଟ ଓ ଗାଇଡ୍ ମାନଙ୍କ ଦ୍ଵାରା ଏକ ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଯାତ୍ରା ଗୁଣ୍ଡିଚା ମନ୍ଦିର ଠାରୁ ବାହାରି ସିଂହଦ୍ଵାର ସମ୍ମୁଖ ଦୋଳମଣ୍ଡପ ସାହି ହୋଇ ଦିଗବାରେଣି ପାର୍କିଂ ସ୍ଥାନ ରେ ଥିବା ସ୍ଵାମୀ ବିବେକାନନ୍ଦଙ୍କ ପ୍ରତିମୂର୍ତ୍ତି ନିକଟରେ ସମାପନ ହୋଇଥିଲା l ଏହି କାର୍ଯ୍ୟକ୍ରମକୁ ଜିଲ୍ଲାର କ୍ରୀଡା ନିରୀକ୍ଷକ ଶ୍ରୀ ମହେନ୍ଦ୍ର କୁମାର ବିଶ୍ଵାଳ ଆନୁଷ୍ଠାନିକ ଭାବେ ଉଦଘାଟନ କରିବା ସହ ଜିଲ୍ଲା ସଂଗଠକ ଶ୍ରୀମତୀ ମିନାକ୍ଷୀ ମିଶ୍ର ଓ ଶ୍ରୀ ଦେବାଶିଷ ମିଶ୍ର ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ପୁରୀ ସହରର ବିଭିନ୍ନ ବିଦ୍ୟାଳୟର ଶତାଧିକ ସ୍କାଉଟ ଓ ଗାଇଡ୍ ସହ ସମସ୍ତ ସ୍କାଉଟ ମାଷ୍ଟର, ଗାଇଡ କ୍ୟାପ୍ଟେନ, କବ ମାଷ୍ଟର ଓ ରୋଭର ମାନେ ଯୋଗ ଦେଇଥିଲେ l
