ଖୋର୍ଦ୍ଧା, ଗତକାଲି ବିଳମ୍ବିତ ରାତ୍ରିରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ବିଷ୍ଣୁଡିହ ଛକରେ ଘଟିଯାଇଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ଯୁବକ ପ୍ରାଣ ହରାଇଛନ୍ତି । ଯୁବକ ଜଣକ ହେଲେ ଟାଙ୍ଗୀ ଥାନା ସାନରାଉତପଡ଼ା ଗ୍ରାମର ପ୍ରକାଶ ସୁନ୍ଦରାୟ (୨୯) ।
ସୂଚନା ମୁତାବକ, ପ୍ରକାଶ ନିଜ ବାଇକରେ ଯାଉଥିବା ବେଳେ ଏକ ଅଜଣା କାର୍ ପ୍ରକାଶଙ୍କୁ ଧକ୍କା ଦେଇଥିଲା । ଏପରିକି କାର୍ ଟି ପ୍ରକାଶଙ୍କୁ ପାଖାପାଖି ୨୦୦ ମିଟର ଘୋଷାଡ଼ି ନେଇଯାଇଥିଲା । ଫଳରେ ପ୍ରକାଶଙ୍କ ଶରୀରର ଏକାଧିକ ଅଙ୍ଗପ୍ରତ୍ୟେଙ୍ଗ ରାସ୍ତାର ବିଭିନ୍ନ ସ୍ଥାନରେ ଛିଟିକି ପଡିଥିବାର ଦେଖାଯାଇଛି । ଖବର ପାଇ ଘଟଣାସ୍ଥଳରେ ବାଣପୁର ପୋଲିସ ପହଞ୍ଚି ମୃତକଙ୍କ ଶବ ଜବତ କରିବା ସହ ଏନେଇ ଅଧିକ ତଦନ୍ତ ଜାରି ରଖିଛି ।
