ଗଞ୍ଜାମ – ଗଞ୍ଜାମ ଜିଲ୍ଲା ଧରାକୋଟ ଥାନା ଅନ୍ତର୍ଗତ ବାଦଗଡ଼ ଗ୍ରାମରେ ଗତ ୨୪ ତାରିଖରେ ସଂଗଠିତ ବାବୁ ପ୍ରଧାନ ହତ୍ୟା ମାମଲାରେ ଆଜି ପୋଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଲେ ଗଙ୍ଗା ସାହୁ, ରୋହିତ ସାହୁ, ଡକ୍ଟର ସାହୁ ଓ କୁନା ସାହୁ । ସେମାନଙ୍କ ନିକଟରୁ ହତ୍ୟାକାଣ୍ଡରେ ବ୍ୟବହୃତ ଦୁଇଟି କଟୁରୀ, ଦୁଇଟି ଖଣ୍ଡା ଏବଂ ୨ଟି ବାଇକ୍ ଜବତ ହୋଇଛି । ଏ ସଂକ୍ରାନ୍ତରେ ଧରାକୋଟ ଥାନା ପକ୍ଷରୁ କେସ୍ ନଂ ୧୫୭/୧୯ ରେ ଏକ ମାମଲା ରୁଜ୍ଜୁ ହୋଇ ତଦନ୍ତ ପ୍ରକ୍ରିୟା ଜାରୀ ରହିଥିବା ନେଇ ଥାନା ଅଧିକାରୀ ସନ୍ତୋଷ କୁମାର ବେହେରା ସୂଚନା ଦେଇଛନ୍ତି ।
