ଗଞ୍ଜାମ, ଗଞ୍ଜାମ ଜିଲ୍ଲା ଶେରଗଡ ବ୍ଳକ ସ୍ଥିତ ପିତ୍ତଳ ବାଳିକା ପ୍ରାଥମିକ ବିଦ୍ୟାଳୟର ନୂତନ ପରିଚାଳନା କମିଟି ଗଠିତ ହୋଇଯାଇଛି । ପ୍ରଧାନ ଶିକ୍ଷୟତ୍ରୀ ସୁନୀତା ଦାଶଙ୍କ ତତ୍ୱାବଧାନରେ ଏବଂ ସରପଂଚ ନାରାୟଣ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏକ ବୈଠକରେ ଏହି ନୂତନ ପରିଚାଳନା କମିଟି ଗଠନ ହୋଇଛି । ଏହି ନିର୍ବାଚନକୁ ଶିକ୍ଷାବିତ୍ ଡାକ୍ତର ହୃଷୀକେଶ ମହାନ୍ତି ପରିଚାଳନା କରିଥିଲେ ।
ସଭାନେତ୍ରୀ ରୂପେ ରସ୍ମିତା ବେହେରା ଓ ଉପସଭାପତି ରୂପେ ସୂର୍ଯ୍ୟ ନାରାୟଣ ମିଶ୍ର ନିର୍ବାଚିତ ହୋଇଥିବା ବେଳେ କମିଟିର ସଦସ୍ୟ ରୂପେ ରାଜେଶ ସେଠୀ, ସୁଦର୍ଶନ ସେଠୀ ଏବଂ କେ.ଆର.ରାଓ, ଏସ୍ ଭାସ୍କର, ଝିଲି ବେହରା, ଏନ. ଉଷା, ସୁଦନ୍ତୀ ପ୍ରଧାନ, ସନ୍ତୋସିନୀ ମହାନ୍ତି, ଗଗନ ବିହାରୀ ତିପାଠୀ, ଅଙ୍ଗନବାଡି କର୍ମୀ ପୁଷ୍ପାଞ୍ଜଳି ପଣ୍ଡା, ଆଶା ରୀତା ମହାପାତ୍ର, ଛାତ୍ର ପ୍ରତିନିଧି ମାଧବ ପ୍ରଧାନ, ସୋନାଲି ବେହରା, ଶିକ୍ଷୟତ୍ରୀ ଏନ୍. ରେଖା ପ୍ରମୁଖ ନିର୍ବାଚିତ ହୋଇଛନ୍ତି । ସିଆରସିସି ରବିନ୍ଦ୍ର କୁମାର ସ୍ୱାଇଁ ଏବଂ ରାମଚନ୍ଦ୍ରପୁର ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ବାସୁଦେବ ମହାନ୍ତି ପର୍ଯ୍ୟବେକ୍ଷକ ରୂପେ ଯୋଗଦେଇ ଥିଲେ ।
