ଭଦ୍ରକ, ବାଇକ୍ ଡିକି ଭାଙ୍ଗି ଦୋକାନ ସମ୍ମୁଖରୁ ୧୫୦ ଗ୍ରାମ୍ ସୁନା ଓ ୧୦ କେଜି ରୂପା ଲୁଟିନେଲା ଲୁଟେରା । ଭଦ୍ରକ ସହରାଚଂଳ ଥାନା ଛକ ନିକଟରେ ଥିବା ସୁନା ଦୋକାନ ସମ୍ମୁଖରୁ ବାଇକ୍ ଡିକି ଭାଙ୍ଗି ଏସବୁ ସୁନାଗହଣା ଲୁଟ୍ ହୋଇଛି । ଡିକିରେ ଗହଣା ରଖି ଦୋକାନ ଖୋଲିବା ବେଳେ ଲୁଟ୍ ହୋଇଥିବା ନେଇ ଦୋକାନୀ ଅଜୟ କୁମାର ସାହୁଙ୍କ ପକ୍ଷରୁ ଥାନାରେ ଅଭିଯୋଗ ହୋଇଛି । ଅଭିଯୋଗକୁ ଭିତି କରି ପୋଲିସ ଘଟଣାର ଛାନଭିନ୍ ଆରମ୍ଭ କରିଛି । ଦିନ ଦ୍ୱିପହରରେ ଥାନା ଛକ ନିକଟରେ କିଏ ଏଭଳି ଲୁଟ୍ କଲା ତାକୁ ନେଇ ସାଧାରଣରେ ଚର୍ଚ୍ଚା ଲାଗି ରହିଛି ।
