ଖୋର୍ଦ୍ଧା, ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ପୋଲିସ ବ୍ରାଉନସୁଗାର କାରବାର ଅଭିଯୋଗରେ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲେ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ରମ୍ଭାବିଲି ଗ୍ରାମର ଦିଲ୍ଲୀପ ମଙ୍ଗରାଜ ।
ସୂଚନା ଅନଯାୟୀ, ଦିଲ୍ଲୀପ ଟାଙ୍ଗିସାହି ବାହାଡ଼ା ଛକରେ ଏକ ପାନ ଦୋକାନରେ ବ୍ରାଉନସୁଗାର ବେପାର କରୁଥିଲେ । ଏନେଇ ସୂଚନା ପାଇବା ପରେ ଜଙ୍କିଆ ପୋଲିସର ଏକ ଟିମ୍ ସେଠାରେ ଚଢ଼ଉ କରିଥିଲେ । ଚଢ଼ଉ ସମୟରେ ପୋଲିସ ଦିଲ୍ଲୀପ ନିକଟରୁ ୧୨ ଗ୍ରାମ୍ ବ୍ରାଉନସୁଗାର ଓ ନଗଦ ୯୦୦ ଟଙ୍କା ଜବତ କରିଛି । ଘଟଣାରେ ଦିଲ୍ଲୀପକୁ ଗିରଫ କରି କୋର୍ଟଚାଲାଣ କରାଯାଇଥିବା ନେଇ ଜଙ୍କିଆ ଥାନା ଅଧିକାରୀ ସୂଚନା ଦେଇଛନ୍ତି ।
