ନୂଆପଡ଼ା,ଖଡ଼ିଆଳ- ଭବାନୀପାଟଣା ରାଜ୍ୟ ରାଜପଥ ନଂ ୧୬ ର ବଙ୍କାପୁର ଗ୍ରାମ ନିକଟରେ ଏକ ସିମେଣ୍ଟ ବୋଝେଇ ଟ୍ରକ୍ ଦୁର୍ଘଟଣାଗ୍ରସ୍ତ ହେବାରୁ ଡ୍ରାଇଭର ଆହତ ହୋଇଥିବା ସୂଚନା ମିଳିଛି । ଏହି ସିମେଣ୍ଟ ବୋଝେଇ ଟ୍ରକ୍ ରାଜପଥ ମଧ୍ୟରେ ଓଲଟି ପଡ଼ିଥିଲା । ଯାହାଫଳରେ ରାଜପଥର ଉଭୟ ପାର୍ଶ୍ୱରେ ଶହ ଶହ ସଂଖ୍ୟାରେ ଯାନବାହାନ ଅଟକି ରହିଥିଲା । ସିମେଣ୍ଟକୁ ଟ୍ରକରୁ ଅଲଗା କରି ଟ୍ରକକୁ କ୍ରେନ ସାହାଯ୍ୟରେ ହଟାଗଲା ପରେ ଯାତାୟତ ସ୍ଵାଭାବିକ୍ ହୋଇଥିଲା । ଏହି ଦୁର୍ଘଟଣା ଯୋଗୁଁ ପାଖାପାଖି ୬ ଘଣ୍ଟା ପର୍ଯ୍ୟନ୍ତ ଯାତାୟତ ବାଧାପ୍ରାପ୍ତ ହୋଇଥିବା ସୂଚନା ମିଳିଛି ।
